ಕಾರನ್ನು 2 ಕಿಮೀ ದೂರ ಎಳೆದೊಯ್ದ ಕಂಟೈನರ್​: ಭಯಾನಕ ವಿಡಿಯೋ

ಪುಣೆ: ಹಾದಿ ಬಿಡದ ಕಾರಣಕ್ಕೋ ಏನೋ ಕಂಟೈನರ್​ ಚಾಲಕ, ಕಾರನ್ನು 2 ಕಿಮೀ ದೂರಕ್ಕೆ ಎಳೆದೊಯ್ದ ಭೀಕರ ವಿಡಿಯೋ ಮಹಾರಾಷ್ಟ್ರದಲ್ಲಿ ಬೆಳಕಿಗೆ ಬಂದಿದೆ. ಅಹ್ಮದ್‌ನಗರ- ಪುಣೆ ಹೆದ್ದಾರಿಯಲ್ಲಿ ಈ ಭಯಾನಕ ಅಪಘಾತ ನಡೆದಿದೆ. ವೇಗವಾಗಿ ಚಲಿಸುತ್ತಿದ್ದ ಕಂಟೈನರ್​ಗೆ ಮುಂಬದಿಯಲ್ಲಿ ಡಿಕ್ಕಿಯಾಗಿ ಸಿಕ್ಕಿಕೊಂಡಿದ್ದ ಕಾರನ್ನು ಚಾಲಕ ಹಾಗೆಯೇ ತಳ್ಳಿಕೊಂಡು ಹೋಗಿದ್ದಾನೆ. ಹೀಗೆ 2 ಕಿಲೋ ಮೀಟರ್​ ದೂರಕ್ಕೆ ಕಾರನ್ನು ಎಳೆದೊಯ್ದಿದ್ದಾನೆ. ಕಾರಿನ ಭಾಗ ರಸ್ತೆಗೆ ಪರಚಿದ ಕಾರಣ ಬೆಂಕಿಯ ಕಿಡಿಗಳು ಎದ್ದಿವೆ. ಈ ಭಯಾನಕ ದೃಶ್ಯ ರಸ್ತೆ ಪಕ್ಕದ ಹೋಟೆಲ್​ವೊಂದರ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಅಚ್ಚರಿ ಅಂದ್ರೆ ಈ ವೇಳೆ ಯಾರಿಗೂ ಪ್ರಾಣಾಪಾಯವಾಗಿಲ್ಲ.