ಕಲಿಯುಗದ ಶ್ರವಣಕುಮಾರ! ಪೋಷಕರ ಕಾವಡಿಯಲ್ಲಿ ಕೂರಿಸಿಕೊಂಡು ಹರಿದ್ವಾರ ಯಾತ್ರೆ ಮಾಡಿದ ಮಗ

ತ್ರೇತಾಯುಗದಲ್ಲಿ ತಂದೆ-ತಾಯಿಯನ್ನು ಹೊತ್ತು ಶ್ರವಣಕುಮಾರ ತೀರ್ಥಯಾತ್ರೆ ಮಾಡಿಸಿದ್ದನಂತೆ. ಅದೇ ರೀತಿ ಉತ್ತರಪ್ರದೇಶದ ಗಾಜಿಯಾಬಾದ್​ ನಿವಾಸಿ ವಿಕಾಸ್​ ಗೆಹ್ಲೋಟ್​ ಎಂಬಾತ ಕೂಡ ತನ್ನ ಪೋಷಕರನ್ನು ಹೆಗಲ ಮೇಲೆ ಹೊತ್ತು ಹರಿದ್ವಾರ ಯಾತ್ರೆ ಮಾಡಿಸಿದ್ದಾನೆ. ಕಾವಡಿಯಲ್ಲಿ ಇಬ್ಬರನ್ನು ಕೂರಿಸಿಕೊಂಡ ವಿಕಾಸ್​ ಹರಿದ್ವಾರದಿಂದ ವಾಪಸ್​ ಗಾಜಿಯಾಬಾದ್​ಗೆ ಮರಳುತ್ತಿದ್ದು, ಇದನ್ನು ಕಂಡ ಜನರು ವಿಕಾಸ್‌ನನ್ನು ಸನ್ಮಾನಿಸಿದ್ದಾರೆ. ತನ್ನ ಕಷ್ಟ ತಂದೆ- ತಾಯಿಗೆ ಕಾಣಬಾರದೆಂದು ಇಬ್ಬರ ಕಣ್ಣಿಗೂ ಬಟ್ಟೆ ಕಟ್ಟಿದ್ದಾನೆ. ಬರುವಾಗ 20 ಲೀಟರ್​ ಪವಿತ್ರ ಗಂಗಾಜಲವನ್ನೂ ಹೊತ್ತು ತಂದಿದ್ದಾರೆ. ಜನರು ಈತನನ್ನು ಕಲಿಯುಗದ ಶ್ರವಣಕುಮಾರ ಎಂದು ಬಣ್ಣಿಸಿದ್ದಾರೆ.