ದೆಹಲಿಯಲ್ಲಿ ಗುಡುಗು ಸಹಿತ ಭಾರೀ ಮಳೆ ; ಬಸ್​, ಕಾರ್​ಗಳ ಮೇಲೆ ಬಿದ್ದ ಬೃಹತ್ ಮರ

ನವದೆಹಲಿ : ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಇಂದು ಸಂಜೆ ದಿಢೀರ್​ ಆಗಿ ಹವಾಮಾನದಲ್ಲಿ ಬದಲಾವಣೆ ಕಂಡು ಬಂದಿದೆ. ಪರಿಣಾಮ ಗುಡುಗು ಸಹಿತ ಭಾರೀ ಬಿರುಗಾಳಿ ಜೊತೆಗೆ ಮಳೆ ಸುರಿದಿದೆ. ಹೀಗಾಗಿ, ಸಂಚಾರದಲ್ಲಿ ಅಸ್ತವ್ಯಸ್ತ ಉಂಟಾಗಿ, ಟ್ರಾಫಿಕ್ ಜಾಮ್​​ ಕಂಡು ಬಂತು. ಬಿರುಗಾಳಿಗೆ ಬೃಹತ್​ ಮರಗಳು ಧರೆಗೆ ಉರುಳಿ ಬಿದ್ದಿರುವ ಪರಿಣಾಮ ಅನೇಕ ಬಸ್​​, ಕಾರುಗಳು ನಜ್ಜುಗುಜ್ಜಾಗಿವೆ. ಕನ್ನಾಟ್​ ಪ್ಲೇಸ್​​​ನಲ್ಲಿ ಬೇರು ಸಮೇತ ಬೃಹತ್ ಮರ ಧರೆಗೆ ಉರುಳಿರುವ ಪರಿಣಾಮ ಕಾರ್​​ವೊಂದು ಸಿಲುಕಿದೆ.