ಕಂದಕಕ್ಕೆ ಉರುಳಿ ಬಿದ್ದ ಬಸ್​​: ಓರ್ವ ಪ್ರಯಾಣಿಕ ಸಾವು, 58 ಮಂದಿಗೆ ಗಾಯ

ಇಡುಕ್ಕಿ(ಕೇರಳ): ಎರ್ನಾಕುಲಂಗೆ ತೆರಳುತ್ತಿದ್ದ ಬಸ್​​​​​​​​ವೊಂದು ನೆರಿಯಮಂಗಲಂ ಎಂಬಲ್ಲಿ ಕಂದಕಕ್ಕೆ ಉರುಳಿಬಿದ್ದಿದೆ. ದುರ್ಘಟನೆಯಲ್ಲಿ ಓರ್ವ ಸಾವನ್ನಪ್ಪಿದ್ದಾರೆ. 58 ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಇಂದು ಬೆಳಗ್ಗೆ ಘಟನೆ ನಡೆದಿದೆ. ಪ್ರಯಾಣಿಕರನ್ನು ಹೊತ್ತು ಸಾಗುತ್ತಿದ್ದ ಬಸ್​ ದಿಢೀರ್​ ಆಗಿ ಸುಮಾರು 14-15 ಅಡಿಗಳಷ್ಟು ಆಳದ ಕಂದಕಕ್ಕೆ ಬಿದ್ದಿದೆ. ಬಸ್​​ನ ಟೈರ್​​ ಒಡೆದು ಅಪಘಾತ ಸಂಭವಿಸಿರುವ ಶಂಕೆ ವ್ಯಕ್ತವಾಗಿದೆ. ಈ ಬಗ್ಗೆ ಮಾತನಾಡಿರುವ ಬಸ್ ನಿರ್ವಾಹಕ​ ಸುಭಾಷ್​, "ಬಸ್​ನಲ್ಲಿ 60 ಪ್ರಯಾಣಿಕರಿದ್ದರು. ಎದುರುಗಡೆಯಿಂದ ಬಂದ ವಾಹನ ಬಸ್​​ಗೆ ಡಿಕ್ಕಿ ಹೊಡೆದು ಘಟನೆ ನಡೆದಿದೆ" ಎಂದರು. ಗಾಯಾಳುಗಳನ್ನು ಎರ್ನಾಕುಲಂ ಸರ್ಕಾರಿ ಆಸ್ಪತ್ರೆಗೆ ಸೇರಿಸಲಾಗಿದೆ.