ಓಮ್ನಿ-ಬಸ್​ ನಡುವೆ ಭೀಕರ ಅಪಘಾತ.. ಮೊಬೈಲ್​​ನಲ್ಲಿ ಸೆರೆಯಾಯ್ತು ಭಯಾನಕ ದೃಶ್ಯ

ದಿಂಡಿಗಲ್​(ತಮಿಳುನಾಡು): ರಸ್ತೆ ನಿಯಮ ಮೀರಿ ದಿಢೀರ್​ ಆಗಿ ರಸ್ತೆ ದಾಟಲು ಮುಂದಾಗಿದ್ದ ಓಮ್ನಿಗೆ ಹಿಂಬದಿಯಿಂದ ಬಸ್​​ ಡಿಕ್ಕಿ ಹೊಡೆದಿದೆ. ಇದರ ದೃಶ್ಯಾವಳಿ ಸ್ಥಳೀಯರ ಮೊಬೈಲ್​​ನಲ್ಲಿ ಸೆರೆಯಾಗಿವೆ. ದಿಂಡಿಗಲ್​​ನಲ್ಲಿ ಈ ಘಟನೆ ನಡೆದಿದೆ. ಸಂಬಂಧಿಕರ ಮನೆಯಲ್ಲಿ ಆಯೋಜನೆಗೊಂಡಿದ್ದ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಸಿತ್ತಾಯನಕೋಟೆಯಿಂದ ಆದಿ ಲಕ್ಷ್ಮೀಪುರಂ ಪ್ರದೇಶಕ್ಕೆ ನಾಲ್ವರು ಓಮ್ನಿಯಲ್ಲಿ ತೆರಳಿದ್ದಾಗ ಈ ಘಟನೆ ನಡೆದಿದೆ. ಓಮ್ನಿಗೆ ಖಾಸಗಿ ಬಸ್​ ಗುದ್ದಿರುವ ರಭಸಕ್ಕೆ ರಸ್ತೆ ಪಕ್ಕದಲ್ಲಿನ ಅಂಗಡಿಯೊಳಗೆ ನುಗ್ಗಿದ್ದು, ಅಲ್ಲಿ ನಿಲ್ಲಿಸಿದ್ದ ದ್ವಿಚಕ್ರ ವಾಹನ ಸಂಪೂರ್ಣವಾಗಿ ಜಖಂಗೊಂಡಿದೆ. ಓಮ್ನಿಯಲ್ಲಿದ್ದ ನಾಲ್ವರು ಸಣ್ಣಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.