ಒಂದೆಡೆ ಗಣಿಗಾರಿಕೆ: ಮತ್ತೊಂದೆಡೆ ಕುಸಿದು ಬಿದ್ದ ಬೃಹತ್​ ಗುಡ್ಡ.. ವಿಡಿಯೋ

ವಿಶಾಖಪಟ್ಟಣಂ (ಆಂಧ್ರಪ್ರದೇಶ): ದೊಡ್ಡ ಗುಡ್ಡವೊಂದು ಕುಸಿದಿರುವ ಘಟನೆ ಆಂಧ್ರ ಪ್ರದೇಶದ ವಿಶಾಖಪಟ್ಟಣಂ ಜಿಲ್ಲೆಯ ಪೆಂಡುರ್ತಿ ವಲಯದ ದುವ್ವಪಾಲೆಂ ಸಮೀಪದ ಕ್ವಾರಿಯಲ್ಲಿ ನಡೆದಿದೆ. ಅದೃಷ್ಟವಶಾತ್​ ಗುಡ್ಡ ಕುಸಿಯುವ ಸಂದರ್ಭದಲ್ಲಿ ಅಲ್ಲಿ ಯಾರೂ ಇಲ್ಲದ ಕಾರಣ ಭಾರಿ ಅನಾಹುತ ತಪ್ಪಿದಂತೆ ಆಗಿದೆ. ಕಲ್ಲು ಗಣಿಗಾರಿಕೆ ವೇಳೆ ಒಂದೆಡೆ ಗುಡ್ಡ ಅಗೆದು ಬಿಟ್ಟಿದ್ದರೆ, ಇನ್ನರ್ಧ ತಾನೇ ದಿಢೀರ್​ ಕುಸಿದು ಬಿದ್ದಿದೆ. ಇದರ ದೃಶ್ಯಗಳನ್ನು ಸ್ಥಳೀಯ ತಮ್ಮ ಮೊಬೈಲ್​​ಗಳಲ್ಲಿ ಸೆರೆ ಹಿಡಿದಿದ್ದಾರೆ. ಇನ್ನು, ಒಂದು ವಾರದ ಹಿಂದೆ ಗಣಿಗಾರಿಕೆ ಮಾಡಲಾಗಿತ್ತು ಎನ್ನಲಾಗಿತ್ತು. ಗುಡ್ಡ ಕುಸಿದ ವಿಷಯ ತಿಳಿದ ಅಧಿಕಾರಿಗಳ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ತಾತ್ಕಾಲಿಕವಾಗಿ ಈ ಮಾರ್ಗದಲ್ಲಿ ವಾಹನ ಸಂಚಾರ ಸ್ಥಗಿತಗೊಳಿಸಲಾಗಿದೆ.