ಹೇ ಹೊಡೆದು ಸಾಯಿಸಿ ಬಿಡ್ತಿನಿ; ಬಿಎಂಟಿಸಿ ಬಸ್​​ನಲ್ಲಿ ಕಂಡಕ್ಟರ್​ಗೆ ಮಹಿಳೆ ಆವಾಜ್​!

ಬೆಂಗಳೂರು: ಕೊರೊನಾ ವೈರಸ್ ಹರಡುತ್ತೆ ಮಾಸ್ಕ್ ಹಾಕೊಳ್ಳಮ್ಮ ಅಂತ ಬಿಎಂಟಿಸಿ ಮಹಿಳಾ ಕಂಡಕ್ಟರ್ ಹೇಳಿದ್ದರಿಂದ ಕೋಪಗೊಂಡ ಮಹಿಳೆಯೊಬ್ಬರು ಆವಾಜ್​ ಹಾಕಿರುವ ಘಟನೆ ನಡೆದಿದೆ. ನೀನು ಯಾರು ನಂಗೇ ಹೇಳೋದಕ್ಕೆ ಎಂದು ಲೇಡಿ ಕಂಡಕ್ಟರ್​ಗೆ ಅವಾಜ್ ಹಾಕಿದ್ದಾರೆ. ಮೆಜೆಸ್ಟಿಕ್​​ನಿಂದ ಅತ್ತಿಬೆಲೆ ರೋಟ್​​ ತೆರಳುತ್ತಿದ್ದ ಬಸ್​​ನಲ್ಲಿ ಈ ಘಟನೆ ನಡೆದಿದೆ. ಬಸ್​​ನಲ್ಲಿ ಇದ್ದ ಸಹ ಪ್ರಯಾಣಿಕರು ಮಾಸ್ಕ್ ಹಾಕಿಕೊಳ್ಳುವಂತೆ ಹೇಳಿದ್ದು, ಇದಕ್ಕೆ ಮಹಿಳೆ ಮತ್ತಷ್ಟು ಕೋಪಗೊಂಡ ಏಕವಚನದಲ್ಲಿ ಮಾತನಾಡಿದ್ದು, ಕೆಳಗೆ ಇಳಿದು ಹೋಗುವಾಗ ಹೇ ಹೊಡೆದು ಸಾಯಿಸಿ ಬಿಡ್ತಿನಿ ಅಂತ ಆವಾಜ್​ ಹಾಕಿದ್ದಾರೆ. ಇದರ ವಿಡಿಯೋ ಇದೀಗ ವೈರಲ್​ ಆಗಿದೆ.