'ರೌಡಿಗಳ ಪರೇಡ್' ನಡೆಸಿದ ವಿಜಯಪುರ ಡಿವೈಎಸ್​ಪಿ​: ಖಡಕ್​ ಎಚ್ಚರಿಕೆ

ವಿಜಯಪುರ: ಸಿಂದಗಿ ಕ್ಷೇತ್ರದ ಉಪಚುನಾವಣೆ ಹಿನ್ನೆಲೆಯಲ್ಲಿ ಸಿಂದಗಿ ತಾಲೂಕಿನ ಆಲಮೇಲದಲ್ಲಿ ಡಿವೈಎಸ್​ಪಿ​ ಶ್ರೀಧರ ದೊಡ್ಡಿ ರೌಡಿಗಳ ಪರೇಡ್ ನಡೆಸಿದರು. ಚುನಾವಣೆ ವೇಳೆಯಲ್ಲಿ 'ಮನೆಯಿಂದ ಹೊರ ಬಂದರೆ ಹುಷಾರ್'​ ಎಂದು ಕೊಲೆ, ದರೋಡೆ, ಸರಗಳ್ಳತನ ಸೇರಿದಂತೆ ಹಲವು ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ರೌಡಿಗಳಿಗೆ ವಾರ್ನಿಂಗ್ ನೀಡಿದರು. ಜೊತೆಗೆ ಕಂಟ್ರಿ ಪಿಸ್ತೂಲ್ ಇಟ್ಟುಕೊಂಡರೆ ಸುಮ್ಮನೆ ಬಿಡುವುದಿಲ್ಲ. ಹಾಗೇನಾದರೂ ಇದ್ದರೆ ಈಗಲೇ ಠಾಣೆಗೆ ವಾಪಸ್ ಮಾಡಿ ಎಂದು ಸೂಚಿಸಿದರು.