ಶ್ರೀಲಂಕಾ ಬಾಂಬ್​​ ಸ್ಫೋಟ ಪ್ರಕರಣ: ಮಹಿಳಾ ಕಾಂಗ್ರೆಸ್​ನಿಂದ ಮೌನಾಚರಣೆ

ಶ್ರೀಲಂಕಾದಲ್ಲಿ ಇತ್ತೀಚೆಗೆ ನಡೆದ ಸರಣಿ ಬಾಂಬ್ ಸ್ಫೋಟ ಪ್ರಕರಣವನ್ನು ವಿರೋಧಿಸಿ ಹಾಗೂ ಮೃತರ ಆತ್ಮಕ್ಕೆ ಶಾಂತಿ ಕೋರಿ ದ‌.ಕ.ಜಿಲ್ಲಾ ಮಹಿಳಾ ಕಾಂಗ್ರೆಸ್​ನಿಂದ ನಗರದ ಮಲ್ಲಿಕಟ್ಟೆಯಲ್ಲಿರುವ ಕಾಂಗ್ರೆಸ್ ಕಚೇರಿಯ ಮುಂಭಾಗ ಇಂದು ಸಂಜೆ ಮೊಂಬತ್ತಿ ಬೆಳಗಿ ಮೌನಾಚರಣೆ ನಡೆಸಲಾಯಿತು. ದ.ಕ.ಜಿಲ್ಲಾ ಘಟಕದ ಕಾಂಗ್ರೆಸ್​ ಅಧ್ಯಕ್ಷೆ ಶಾಲೆಟ್ ಪಿಂಟೊ, ಮರಿಯಮ್ಮ ಥಾಮಸ್, ತನ್ವೀರ್ ಶಾ, ರೂಪಾ ಚೇತನ್, ಪ್ರಭಾವತಿ, ಸುರೇಖಾ ಚಂದ್ರಹಾಸ, ಶಾಂತಲಾ ಗಟ್ಟಿ ಮತ್ತಿತರರು ಈ ವೇಳೆ ಉಪಸ್ಥಿತರಿದ್ದರು.