8ರ ಬಾಲೆಗೆ ಸಿದ್ಧಿಯಾಯ್ತು ಅಸಾಧಾರಾಣ ಮೇಧಾವಿತನ... ಬೆರಗು ಹುಟ್ಟಿಸುವಂತಿದೆ ಸ್ಮರಣಾಶಕ್ತಿ

ಇಂದಿನ ಬಹುಪಾಲು ಮಕ್ಕಳಿಗೆ ಪಾಠ-ಪ್ರವಚನಗಳೆಂದರೆ ಅಷ್ಟಕಷ್ಟೇ. ಕೇವಲ ಮೊಬೈಲ್​​-ಟಿವಿ ಇನ್ನಿತರ ಮನೋರಂಜನೆಯಲ್ಲಿ ಕಾಲ ಕಳೆಯುತ್ತಾ ತಮ್ಮ ಅಮೂಲ್ಯ ಸಮಯವನ್ನು ವ್ಯರ್ಥ ಮಾಡುತ್ತಾರೆ. ಆದರೆ ಪೆರಂಬಲೂರು ಜಿಲ್ಲೆಯ ಕೃಷ್ಣಪುರಂ ಗ್ರಾಮದ ದಂಪತಿ ಸಸೀಂದ್ರನ್ ಮತ್ತು ಧನಂ ಅವರ ಪುತ್ರಿ 'ಲತಿಕಾ ಶ್ರೀ' ಚಿಕ್ಕ ವಯಸ್ಸಿನಲ್ಲಿಯೇ ಅಸಾಧಾರಾಣ ಮೇಧಾವಿತನದಿಂದ ಜನಪ್ರಿಯರಾಗಿದ್ದಾಳೆ. ತನ್ನ 5 ನೇ ವಯಸ್ಸಿಗೆ ತಮಿಳಿನ ಪ್ರಸಿದ್ಧ ಕವಿ ತಿರುವಳ್ಳುವರ್​​ ರಚಿಸಿರುವ 'ತಿರುಕ್ಕುರಳ್​' ಕೃತಿಯನ್ನು ಕಲಿಯಲು ಪ್ರಾರಂಭಿಸಿ, ಸುಮಾರು 1330 ಶ್ಲೋಕಗಳನ್ನು ಕಂಠಪಾಠ ಮಾಡಿದ್ದಾಳೆ. ಅಲ್ಲದೇ ಕುರಿಂಜಿ ಪಾಟಿನಲ್ಲಿನ ಸುಮಾರು 98 ಬಗೆಯ ಹೂವುಗಳನ್ನು ಹೆಸರಿಸುವ ಇವರು, ಕೀಬೋರ್ಡ್ ನುಡಿಸುವುದು, ಹಾಡುವುದು, ಕಥೆ ಹೇಳುವುದು ಮತ್ತು ಚಿತ್ರಗಳನ್ನು ಬಿಡಿಸುವ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾಳೆ ಈ ಬಾಲಕಿ.