ಮತ್ತೆ ಹೊತ್ತಿದ ಸಿಗ್ನಲ್ ಲೈಟ್ಸ್​.. ಸಾರ್ವಜನಿಕರಿಂದ ಪೊಲೀಸ್​ ಸಿಬ್ಬಂದಿಗೆ ಸನ್ಮಾನ..

ಸುಮಾರು ಮೂರು ವರ್ಷಗಳಿಂದ ನಗರದ ಗಂಜ್ ಸರ್ಕಲ್​ನಲ್ಲಿ ದುರಸ್ಥಿಗೆ ಬಂದು ನಿರುಪಯುಕ್ತವಾಗಿದ್ದ ಸಿಗ್ನಲ್ ಲೈಟ್​ಗಳು ಮತ್ತೆ ಕೆಲಸ ಪ್ರಾರಂಭಿಸಿರುವುದಕ್ಕೆ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಟಿ. ಶ್ರೀಧರ್ ಅವರು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾಗಿ ಜಿಲ್ಲೆಗೆ ಬಂದ ಮೇಲೆ ಸಿಗ್ನಲ್ ಲೈಟ್​ಗಳು ತಮ್ಮ ಕಾರ್ಯ ಶುರು ಮಾಡಿವೆ. ಸಿಗ್ನಲ್ ಲೈಟ್​ಗಳಿಲ್ಲದೆ ಸಂಚಾರ ನಿಯಮ ಪಾಲನೆಯಾಗುತ್ತಿರಲಿಲ್ಲ. ಈಗ ಸಮಸ್ಯೆಗೆ ಪರಿಹಾರ ಸಿಕ್ಕಿದೆ ಎಂದು ಜನರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.