ಸಿದ್ದರಾಮಯ್ಯ ಈ ಜನ್ಮದಲ್ಲಿ ಬಿಜೆಪಿ ಸೇರಲ್ಲ, ಆ ಪಕ್ಷದ ಬಗ್ಗೆ ಮೃದು ಧೋರಣೆ ತಾಳಲ್ಲ: ರಮೇಶ್ ಕುಮಾರ್​

ಚಾಮರಾಜನಗರ: ಸಿದ್ದರಾಮಯ್ಯ ಈ ಜನ್ಮದಲ್ಲಿ ಬಿಜೆಪಿ ಬಗ್ಗೆ ಮೃದು ಧೋರಣೆ ತಾಳಲ್ಲ. ಆ ಪಕ್ಷಕ್ಕೂ ಹೋಗಲ್ಲ ಎಂದು ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಹೇಳಿದರು. ನಗರದಲ್ಲಿ ಸುದ್ದಿಗಾರರೊಂದಿಗೆ ಸಿದ್ದರಾಮಯ್ಯ ಬಿಜೆಪಿ ಸೇರುವ ವಿಚಾರದ ಕುರಿತು ಮಾತನಾಡಿದ ಅವರು, ಅವರು ಈ ಜನ್ಮದಲ್ಲಿ ಬಿಜೆಪಿ ಸೇರುವುದಿಲ್ಲ. ಸಿದ್ದರಾಮಯ್ಯ ಪರಿಚಯವಿದ್ದರಿಗೆ ಇದು ಗೊತ್ತಾಗುತ್ತದೆ. ಹುಡುಗಾಟಕ್ಕೆ ಅವರು ಕಾಂಗ್ರೆಸ್​ಗೆ ಬಂದಿಲ್ಲ. ಅವರ ಹಿಂದೆ ದೀರ್ಘವಾದ ರಾಜಕೀಯ ಇತಿಹಾಸವಿದೆ. ಅವರಂತಹ ನಾಯಕರು ಅಪರೂಪ ಎಂದರು.