ಶಿವಸೇನೆ ನಿರ್ಧಾರ ಬಾಳ್​​ ಠಾಕ್ರೆ ಉದ್ದೇಶಕ್ಕೆ ಅವಮಾನ ಮಾಡಿದಂತೆ: ಶೋಭಾ ಕರಂದ್ಲಾಜೆ

ಉಡುಪಿ: ಸರ್ಕಾರ ರಚನೆಗಾಗಿ ಶಿವಸೇನೆಯು ಕಾಂಗ್ರೆಸ್, ಎನ್​​ಸಿಪಿ ಜೊತೆ ಸೇರುವುದು ಬಾಳ್​​ ಠಾಕ್ರೆ ಅವರ ಮೂಲ ಉದ್ದೇಶಕ್ಕೆ ಅವಮಾನ ಮಾಡಿದಂತೆ ಎಂದು ಸಂಸದೆ ಶೋಭಾ ಕರಂದ್ಲಾಜೆ ಅಸಮಾಧಾನ ವ್ಯಕ್ತಪಡಿಸಿದರು. ಪಡುಕೆರೆಯಲ್ಲಿ ಮಾತನಾಡಿದ ಅವರು, ಬಿಜೆಪಿ ಮತ್ತು ಶಿವಸೇನೆ ಮೂರು ದಶಕದ ದೋಸ್ತಿಗಳು. ಕೇಂದ್ರದಲ್ಲಿ ಕೂಡ ನಾವು ಪಾರ್ಟ್ನರ್ಸ್​​ ಇದೀವಿ. ಹಿಂದುತ್ವದ ಆಧಾರದಲ್ಲಿ ನಾವು‌ ಜೊತೆಯಾಗಿ ಚುನಾವಣೆ ಎದುರಿಸಿದ್ದೇವೆ. ಆದರೆ, ಈಗ ಶಿವಸೇನೆ ಯಾಕೆ ಈ ರೀತಿಯ ನಿರ್ಧಾರ ತೆಗೆದುಕೊಂಡಿದೆ ಗೊತ್ತಿಲ್ಲ. ಇನ್ನೂ ಅವಕಾಶ ಇದೆ, ಈಗಲೂ ಶಿವಸೇನೆ ನಮ್ಮ ಜೊತೆ ಕೈಜೋಡಿಸಿ ಮುಂದುವರೆಯಬಹುದು ಎಂದು ಸಲಹೆ ನೀಡಿದರು.