ಸ್ಮಾರಕವಾಗಲಿದೆ ಮಾಜಿ ಸಿಎಂ ಎಸ್.ನಿಜಲಿಂಗಪ್ಪ ಮನೆ

ಚಿತ್ರದುರ್ಗ: ಹದಿನೆಂಟು ವರ್ಷಗಳಿಂದ ನನೆಗುದಿಗೆ ಬಿದ್ದಿದ್ದ ಮಾಜಿ ಸಿಎಂ ಎಸ್.ನಿಜಲಿಂಗಪ್ಪನವರ ಮನೆಯನ್ನು ಸ್ಮಾರಕ ಮಾಡಲು ರಾಜ್ಯ ಬಿಜೆಪಿ ಸರ್ಕಾರ ಅಸ್ತು ಎಂದಿದೆ. ಬಜೆಟ್​ನಲ್ಲಿ ಸ್ಮಾರಕ ಮಾಡಿ ಪ್ರವಾಸೋದ್ಯಮ ಇಲಾಖೆಗೆ ಅನುಕೂಲವಾಗುವಂತೆ ಐದು ಕೋಟಿ ಮೀಸಲಿಡುವುದಾಗಿ ಘೋಷಣೆ ಮಾಡಲಾಗಿದೆ. ಚಿತ್ರದುರ್ಗ ನಗರದ ವಿಪಿ ಬಡವಣೆಯಲ್ಲಿರುವ ವೈಟ್​​ಹೌಸ್ ಇದಾಗಿದೆ. ಎಸ್.ನಿಜಲಿಂಗಪ್ಪ ಸ್ಮಾರಕ ನಿರ್ಮಾಣ ಹೋರಾಟ ಸಮಿತಿಯ ಹೋರಾಟಗಾರ ಶಂಕ್ರಪ್ಪ, ವೈಟ್​​ಹೌಸ್​​ನ್ನು ಸ್ಮಾರಕ ಮಾಡುವಂತೆ ಮನವಿ ಮಾಡಿದ್ದರು.