ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ಸಹಕಾರ ಸಂಘಗಗಳ ನೌಕರರಿಂದ ಪ್ರತಿಭಟನೆ

ಹಾವೇರಿ: ಸಹಕಾರ ಸಂಘಗಳ ನೌಕರರು ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ನಗರದಲ್ಲಿ ಪ್ರತಿಭಟನೆ ನಡೆಸಿದರು. ಪ್ರತಿಭಟನೆ ಅಂಗವಾಗಿ ಮುರುಘಾಮಠದಿಂದ ಕಾಗಿನೆಲೆ ಕ್ರಾಸ್‌ವರೆಗೆ ಮೆರವಣಿಗೆ ನಡೆಸಿದರು. ನಂತರ ಕಾಗಿನೆಲೆ ಕ್ರಾಸ್​ನಲ್ಲಿ ರಸ್ತೆ ತಡೆ ನಡೆಸಿ ಆಕ್ರೋಶ ವ್ಯಕ್ತಪಡಿಸಿದರು. ತಮ್ಮ ಮೇಲೆ ಹಲವು ಮಿತಿಗಳನ್ನು ಹೇರಿದ್ದು ಅವುಗಳನ್ನು ಹಿಂಪಡೆಯುವಂತೆ ಒತ್ತಾಯಿಸಿದರು. ಪ್ರತಿಭಟನೆಯಲ್ಲಿ ಜಿಲ್ಲೆಯ ಪ್ರಮುಖ ಸಹಕಾರ ಸಂಘಗಳ ಸದಸ್ಯರು ಸಹಕಾರ ಬ್ಯಾಂಕ್‌ಗಳ ನೌಕರರು ಪಾಲ್ಗೊಂಡಿದ್ದರು.