ಕೊರೊನಾ ಲಾಕ್​​ಡೌನ್​​: ಸಂಕಷ್ಟದಲ್ಲಿ ಮುದ್ರಣ ಕ್ಷೇತ್ರ

ಕೊರೊನಾ ಹರಡುವಿಕೆ ನಿಯಂತ್ರಿಸುವ ಸಲುವಾಗಿ ಹೇರಲಾಗಿದ್ದ ಲಾಕ್​​ಡೌನ್‌ನಿಂದ ದೇಶದ ಆರ್ಥಿಕತೆಯ ಎಲ್ಲ ಕ್ಷೇತ್ರಗಳು ಸಂಕಷ್ಟಕ್ಕೀಡಾಗಿವೆ. ಅದರಲ್ಲೂ ದುಡಿಯುವ ವರ್ಗದ ಜನರ ಮೇಲಾಗಿರುವ ಕೆಟ್ಟ ಪರಿಣಾಮಗಳು ಅಷ್ಟಿಷ್ಟಲ್ಲ. ಇದಕ್ಕೆ ಮದುವೆ ಶುಭ ಸಮಾರಂಭ ಸೇರಿದಂತೆ ಅನೇಕ ಕಾರ್ಯಗಳಿಗೆ ಮುದ್ರಣ‌ ಕೆಲಸ ಮಾಡಿಕೊಡುವ ಮುದ್ರಣಾಲಯಗಳೂ ಕೂಡಾ ಹೊರತಾಗಿಲ್ಲ. ಮುದ್ರಣಾಲಯಗಳಲ್ಲಿ ಕೆಲಸಗಾರರು ಲಾಕ್​​ಡೌನ್​​ನಿಂದ ಆರ್ಥಿಕ ತೊಂದರೆ ಅನುಭವಿಸುತ್ತಿದ್ದಾರೆ.