ರಾಯಚೂರಿನಲ್ಲಿ ಕೊರೊನಾ ಭೀತಿ: ರೋಗ ತಡೆಗಟ್ಟಲು ರಿಮ್ಸ್​​ನಲ್ಲಿ​​ ಸಕಲ ಸನ್ನದ್ಧ

ರಾಯಚೂರು: ಜಗತನ್ನೇ ಬೆಚ್ಚಿ ಬೀಳಿಸಿರುವ ಕೊರೊನಾ ವೈರಸ್​​ ಇದೀಗ ಹೈದರಾಬಾದ್​​ಗೆ ಕಾಲಿಟ್ಟಿದ್ದು, ರಾಜ್ಯದ ಗಡಿ ಜಿಲ್ಲೆ ರಾಯಚೂರಿನಲ್ಲಿ ಮುನ್ನೆಚ್ಚರಿಕಾ ಕ್ರಮವಾಗಿ ನಗರದ ರಿಮ್ಸ್​​ ಆಸ್ಪತ್ರೆಯಲ್ಲಿ ಕೊರೊನಾ ವೈರಸ್​ ಚಿಕಿತ್ಸೆಗೆ ಸಿದ್ಧತೆ ಮಾಡಿಕೊಳ್ಳಲಾಗಿದೆ. ನಿತ್ಯ ಸಾವಿರಾರು ಜನ ತೆಲಂಗಾಣ ಮತ್ತು ರಾಯಚೂರಿಗೆ ಪ್ರಯಾಣ ಬೆಳಸುತ್ತಿದ್ದು, ಜಿಲ್ಲೆಯ ಜನರಲ್ಲಿ ಕೊರೊನಾ ಬಗ್ಗೆ ತೀವ್ರ ಆತಂಕ ಉಂಟು ಮಾಡಿದೆ. ಈ ನಿಟ್ಟಿನಲ್ಲಿ ರಿಮ್ಸ್​​ ಆಸ್ಪತ್ರೆ, ಕೊರೊನಾ ವೈರಸ್​ ಚಿಕಿತ್ಸೆಯ ಬಗ್ಗೆ ವಿಶೇಷ ಕಾಳಜಿ ವಹಿಸಿ ಜನರನ್ನು ರಕ್ಷಿಸಲು ಸಕಲ ಸಿದ್ಧತೆ ನಡೆಸಿದೆ.