ಕೆಎಸ್​ಆರ್​ಟಿಸಿ ಬಸ್​​ ದರ ಏರಿಕೆ ಬಗ್ಗೆ ಆಮ್ ಆದ್ಮಿ ಮುಖಂಡ ಆಕ್ರೋಶ

ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (ಕೆ.ಎಸ್.ಆರ್.ಟಿ.ಸಿ)ದ ಬಸ್ ದರವನ್ನು ಶೇಕಡಾ 12ರಷ್ಟು ಹೆಚ್ಚಳ ಮಾಡಲು ತೀರ್ಮಾನಿಸಿರುವ ಸರ್ಕಾರದ ನಿರ್ಧಾರಕ್ಕೆ ವಿಪಕ್ಷಗಳು ಹಾಗೂ ಜನಸಾಮಾನ್ಯರಿಂದ ಟೀಕೆಗಳು ಕೇಳಿಬಂದಿವೆ. ಜನಸಾಮಾನ್ಯರು ಅಗತ್ಯದ ಪ್ರಯಾಣಕ್ಕೆ ಕೆ.ಎಸ್ಆ​ರ್​ಟಿಸಿಯನ್ನೇ ನೆಚ್ಚಿಕೊಂಡಿದ್ದಾರೆ. ಆದ್ರೆ, ಸರ್ಕಾರಕ್ಕೆ ಜನರ ಮೇಲೆ ಯಾವುದೇ ಕಾಳಜಿ ಇಲ್ಲ ಎಂಬುದು ಈ ಮೂಲಕ ಗೊತ್ತಾಗಿದೆ. ಆಮ್ ಆದ್ಮಿ ಪಕ್ಷ ಇದನ್ನು ತೀವ್ರವಾಗಿ ಖಂಡಿಸಿ, ಹೋರಾಟಕ್ಕೆ ಮುಂದಾಗುತ್ತೇವೆ ಎಂದು ಆ ಪಕ್ಷದ ಮುಖಂಡ ಜಗದೀಶ್ ತಿಳಿಸಿದರು. ಇನ್ನು ಏಕಾಏಕಿ ಬಸ್ ದರ ಏರಿಕೆ ಮಾಡಿ, ಬಡ ಜನರಿಗೆ ಕೆಎಸ್​ಆರ್​ಟಿಸಿ ತೊಂದರೆ ಮಾಡಿದೆ ಎಂದು ಕರ್ನಾಟಕ ಸಂಘಟನೆಗಳ ಒಕ್ಕೂಟದ ಅಧ್ಯಕ್ಷ ನಾಗೇಶ್ ಕೂಡೆ ಆಕ್ರೋಶ ವ್ಯಕ್ತಪಡಿಸಿದರು.