ಹಾವು ಹಿಡಿಯೋದ್ರಲ್ಲಿ 20 ವರ್ಷ ಅನುಭವ... ನಿಮಿಷದಲ್ಲೇ ಕೆಲ್ಸ ಮುಗಿಸುತ್ತಾರೆ ಕೊಣ್ಣೂರಿನ ಮಿಶಾಳೆ!

ಚಿಕ್ಕೋಡಿ: ಯಾವುದೇ ಮನೆಯ ಹಂಚಿನ ಮೇಲೆ ಅಥವಾ ಮನೆಯೊಳಗೆ ಹಾವುಗಳು ಬಂದು ಸೇರಿಕೊಂಡರು ಸರಸರನೆ ಹತ್ತಿ ಹಿಡಿಯುವ ಈತನ ಹೆಸರು ಪರಶುರಾಮ ಮಿಶಾಳೆ. ಬೆಳಗಾವಿ ಜಿಲ್ಲೆ ಗೋಕಾಕ್ ತಾಲೂಕಿನ ಕೊಣ್ಣೂರು ಪಟ್ಟಣದವರಾದ ಮಿಶಾಳೆ, ಸುಮಾರು 20 ವರ್ಷಗಳಿಂದ ಈ ಕಾಯಕದಲ್ಲಿ ತೊಡಗಿಕೊಂಡಿದ್ದಾರೆ. ಸದ್ಯ ಕೊಣ್ಣೂರು ಸುತ್ತಮುತ್ತ ಮಿಶಾಳೆ ಫೇಮಸ್​ ಆಗಿದ್ದು ಎಲ್ಲೇ ಹಾವುಗಳು ಕಂಡು ಬಂದರೂ ಇವರನ್ನು ಕರೆಸಿಕೊಳ್ಳುತ್ತಾರಂತೆ. ಹೀಗೆ ಹಿಡಿದ ಹಾವುಗಳನ್ನು ಮಿಶಾಳೆ ದೂರದ ಕಾಡಿಗೆ ಬಿಟ್ಟು ಬರುತ್ತಾರೆ.