ರೂಪಾಂತರಗೊಂಡ ವೈರಸ್​ ಬಗ್ಗೆ ಭಯ ಬೀಳುವ ಅವಶ್ಯಕತೆಯಿಲ್ಲ: ಸಿ.ಟಿ.ರವಿ

ಕೊರೊನಾ ವೈರಸ್ ತಡೆಗಟ್ಟಲು ಇಂದಿನಿಂದ ರಾಜ್ಯ ಸರ್ಕಾರ ರಾತ್ರಿ ಕರ್ಫ್ಯೂ ಜಾರಿಗೆ ತಂದಿರುವ ಕುರಿತು ಮಾತನಾಡಿದ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ, ಈ ವೈರಸ್ ಬಗ್ಗೆ ಹೆಚ್ಚಿನ ಆತಂಕ ಬೇಡ ಎಂದು ನನಗೆ ಅನಿಸುತ್ತಿದೆ. ಈಗಾಗಲೇ ತಜ್ಞರು ಹೇಳಿರುವಂತೆ ಇಲ್ಲಿಗೆ ಅದು ಬಹಳ ಹಾನಿ ಮಾಡೋದಿಲ್ಲ. ರೂಪಾಂತರಗೊಂಡ ವೈರಸ್​ಗೆ ಈಗಿರುವ ಚಿಕಿತ್ಸೆಯನ್ನೇ ನೀಡಬಹುದು ಎಂಬ ಮಾತನ್ನು ಹೇಳಿದ್ದಾರೆ. ಆದರೆ ಅದರ ಬಗ್ಗೆ ಎಚ್ಚರ ಮಾತ್ರ ವಹಿಸಲೇಬೇಕು. ಮಾಸ್ಕ್​ ಧರಿಸೋದು, ಸ್ಯಾನಿಟೈಸರ್​ ಬಳಕೆ, ಸಾಮಾಜಿಕ ಅಂತರ ಕಾಪಾಡಿಕೊಳ್ಳಬೇಕು. ಹಾಗಂತ ತೀರಾ ಭಯ ಬೀಳುವ ಅವಶ್ಯಕತೆ ಇಲ್ಲ ಎಂದರು.