ಕಲ್ಲಿನ ಕೋಟೆಯಲ್ಲಿ ಪ್ರವಾಸಿಗರ ಹೊಸವರ್ಷಾಚರಣೆ: ಮಾಸ್ಕ್​​ ಮಾಯ, ಅಂತರ ಇನ್ನಷ್ಟು ಹತ್ತಿರ

ಚಿತ್ರದುರ್ಗ: ಹೊಸ ವರ್ಷದ ಸಂಭ್ರಾಮಚರಣೆ ಅಂಗವಾಗಿ ರಾಜ್ಯದ ವಿವಿಧ ಭಾಗಗಳಿಂದ ಐತಿಹಾಸಿಕ ಚಿತ್ರದುರ್ಗ ಕೋಟೆಗೆ ಪ್ರವಾಸಿಗರು ಆಗಮಿಸಿದ್ದು, ನೂತನ ವರ್ಷದ ಸಿಹಿಯ ಸಡಗರದಲ್ಲಿದ್ದಾರೆ. ಕುಟುಂಬ ಸಮೇತ ಬಂದಿರುವ ಹಲವಾರು ಪ್ರವಾಸಿಗರು ಕೋಟೆಯ ಸೌಂದರ್ಯವನ್ನು ಸವಿಯತೊಡಗಿದ್ದಾರೆ. ಪ್ರವಾಸಿಗರು ಕೋವಿಡ್​​ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕೆಂದು ಜಿಲ್ಲಾಡಳಿತ ಸೂಚನೆ ನೀಡಿದ್ದರೂ ಜನರು ಮಾತ್ರ ಮಾಸ್ಕ್​ ಧರಿಸದೇ, ಸಾಮಾಜಿಕ ಅಂತರ ಕಾಯ್ದುಕೊಳ್ಳದೇ ಓಡಾಡುತ್ತಿದ್ದಾರೆ.