ಮೈಸೂರು:ಹೊಸ ಬುಲೆಟ್​ ಬೈಕ್​ನಲ್ಲಿ ಅಡಗಿದ್ದ ಹಾವು ರಕ್ಷಣೆ

ಮೈಸೂರು: ಬುಲೆಟ್ ಬೈಕ್​ನಲ್ಲಿ ಅಡಗಿದ್ದ ಹಾವನ್ನು ರಕ್ಷಣೆ ಮಾಡಿ, ಕಾಡಿಗೆ ಬಿಟ್ಟಿರುವ ಘಟನೆ ನಗರದಲ್ಲಿ ನಡೆದಿದೆ. ನಗರದ ಕೆ. ಆರ್. ಎಸ್ ರಸ್ತೆಯಲ್ಲಿರುವ ಗೋಕುಲಂನ ನಿವಾಸಿ ಹೊಸ ರಾಯಲ್ ಎನ್​ಫೀಲ್ಡ್ ಬೈಕ್ ಅನ್ನು ಖರೀದಿಸಿ ಮನೆ‌ ಮುಂದೆ ನಿಲ್ಲಿಸಿದ್ದರು. ಬೈಕ್ ಒಳಗೆ ನುಸುಳಿ ಬುಸುಗುಡುತ್ತಿದ್ದ ಹಾವಿನ ಶಬ್ಧ ಕೇಳಿದ ಬೈಕ್ ಮಾಲೀಕ, ಸ್ನೇಕ್ ಸೂರ್ಯ ಕೀರ್ತಿಗೆ ಕರೆ ಮಾಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ಸೂರ್ಯ ಕೀರ್ತಿ ಹಾವನ್ನು ರಕ್ಷಣೆ ಮಾಡಿ ಕಾಡಿಗೆ ಬಿಟ್ಟಿದ್ದಾರೆ.