15 ದಿನದ ಬಾಣಂತಿಗೆ ಆ್ಯಂಬುಲೆನ್ಸ್ ವ್ಯವಸ್ಥೆ... ಮಾನವೀಯತೆ ಮೆರೆದ ಶಾಸಕರ ಪತ್ನಿ

ಲಾಕ್​​ಡೌನ್ ಸಡಿಲಿಕೆ ನಂತರ ಅನ್ಯ ರಾಜ್ಯದ ಕಾರ್ಮಿಕರ ಪ್ರಯಾಣಕ್ಕೆ ಅನುಮತಿ ನೀಡಲಾಗಿದೆ. ಈ ಹಿನ್ನೆಲೆ ತಮ್ಮೂರಿಗೆ ತೆರಳಲು ಗೋವಾದಿಂದ ಮುದ್ದೇಬಿಹಾಳಕ್ಕೆ ಹದಿನೈದು ದಿನದ ಬಾಣಂತಿಯೊಬ್ಬರು ಆಗಮಿಸಿದ್ರು. ಈ ವೇಳೆ, ತಮ್ಮ ಸ್ವಗ್ರಾಮಕ್ಕೆ ತೆರಳಲು ಇವರಿಗೆ ಶಾಸಕ ಎ.ಎಸ್.ಪಾಟೀಲ ನಡಹಳ್ಳಿ ಅವರ ಪತ್ನಿ ಮಹಾದೇವಿ ಪಾಟೀಲ ನಡಹಳ್ಳಿ ನೆರವಾಗಿದ್ದಾರೆ. ಹುಣಸಗಿ ತಾಲೂಕಿನ ಕೊಳ್ಯಾಳ ಗ್ರಾಮಕ್ಕೆ ತೆರಳಬೇಕಿದ್ದ ಬಾಣಂತಿ ಹಾಗೂ ಹಸುಗೂಸಿಗೆ ಪ್ರತ್ಯೇಕವಾಗಿ ಆ್ಯಂಬುಲೆನ್ಸ್ ವ್ಯವಸ್ಥೆ ಮಾಡಿ ಸುರಕ್ಷಿತವಾಗಿ ಕಳುಹಿಸಿಕೊಟ್ಟು ಮಾನವೀಯತೆ ಮೆರೆದಿದ್ದಾರೆ.