ದಲಿತರ ಮನೆಯಲ್ಲಿ ರಾಗಿ ರೊಟ್ಟಿ ಉಚ್ಚೆಳ್ಳು ಚಟ್ನಿ ಸವಿದ ಸಚಿವ ಆರ್​ ಅಶೋಕ್​

'ಜಿಲ್ಲಾಧಿಕಾರಿ ನಡೆ ಹಳ್ಳಿ ಕಡೆ' ಕಾರ್ಯಕ್ರಮ‌ದಲ್ಲಿ ಭಾಗಿಯಾಗಿರುವ ಕಂದಾಯ ಸಚಿವ ಆರ್​ ಅಶೋಕ್ ದೊಡ್ಡ‌ಬಳ್ಳಾಪುರ ತಾಲೂಕಿನ ಹೊಸಹಳ್ಳಿ ಗ್ರಾಮದಲ್ಲಿ ವಾಸ್ತವ್ಯ ಹೂಡಿದ್ದಾರೆ. ಬೆಳಗ್ಗೆ ಹೊಸಹಳ್ಳಿಯ ದಲಿತರ ಕಾಲೋನಿಗೆ ಭೇಟಿ ನೀಡಿದ ಸಚಿವರು, ದಲಿತ ಮಹಿಳೆ ವೆಂಕಟಲಕ್ಷಮ್ಮ ಎಂಬುವರ ಮನೆಗೆ ಭೇಟಿ ನೀಡಿ ಬೆಳಗಿನ ಉಪಹಾರ ಸೇವಿಸಿದರು. ಸಚಿವರು ಮನೆಗೆ ಬರುವ ವೇಳೆ ಆರತಿ ಬೆಳಗಿ ಹಾಡು ಹೇಳಿ ಸ್ವಾಗತ ಕೋರಲಾಯ್ತು. ಸಚಿವರ ಉಪಹಾರಕ್ಕಾಗಿ ರಾಗಿ ರೊಟ್ಟಿ ಉಚ್ಚೆಳ್ಳು ಚಟ್ನಿ, ಮತ್ತು ಉಪ್ಪಿಟ್ಟು ಮಾಡಲಾಗಿತ್ತು. ಸಚಿವ ಆರ್​ ಅಶೋಕ್ ಹಳ್ಳಿ ಸೊಗಡಿನ ಬಿಸಿ ಬಿಸಿ ರಾಗಿ ರೊಟ್ಟಿ ಸವಿದರು. ಸಚಿವರಿಗೆ ಶಾಸಕ ಟಿ. ವೆಂಕಟರಮಣಯ್ಯ ಸಾಥ್ ನೀಡಿದರು.