ಬಜೆಟ್​ನಲ್ಲಿ ಉದ್ಯಮಿಗಳಿಗೆ ಗೌರವ ನೀಡಲಾಗಿದೆ: ಕೆಸಿಸಿಐ ಅಧ್ಯಕ್ಷ ಐಸಕ್ ವಾಸ್

ಮಂಗಳೂರು: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡಿಸಿರುವ ಬಜೆಟ್​ನಲ್ಲಿ ಉದ್ಯಮಿಗಳಿಗೆ ಹಾಗೂ ಜನರಿಗೆ ಗೌರವ ನೀಡಲಾಗಿದ್ದು, ಇದಕ್ಕಾಗಿ ಹಣಕಾಸು ಸಚಿವರಿಗೆ ಅಭಿನಂದಿಸುತ್ತೇನೆ ಎಂದು ಕೆನರಾ ಚೇಂಬರ್ ಆಫ್​ ಕಾಮರ್ಸ್ ಆ್ಯಂಡ್ ಇಂಡಸ್ಟ್ರಿಯ (ಕೆಸಿಸಿಐ) ಅಧ್ಯಕ್ಷ ಐಸಕ್ ವಾಸ್ ತಿಳಿಸಿದ್ದಾರೆ. ಕೇಂದ್ರ ಬಜೆಟ್​ನಲ್ಲಿ ರೈತರು, ಕಾರ್ಪೋರೇಟ್ ವಿಭಾಗ, ಸಣ್ಣ ಕೈಗಾರಿಕೆ ಮತ್ತು ಜನರಿಗೆ ಸಾಕಷ್ಟು ಪ್ರಯೋಜನಗಳಿವೆ ಎಂದಿದ್ದಾರೆ. ಉದ್ಯೋಗ ಸೃಷ್ಟಿ ಮತ್ತು ಸಣ್ಣ ಕೈಗಾರಿಕೆಗಳಿಗೆ ಉತ್ತೇಜನ ಕೊಡಲಾಗಿದೆ. ಮೀನುಗಾರಿಕೆ ಅಭಿವೃದ್ಧಿ ಯೋಜನೆ, ಹಾಲುತ್ಪಾದನೆ ದ್ವಿಗುಣಗೊಳಿಸುವುದು, ಸೋಲಾರ್ ವಿದ್ಯುತ್ ಉತ್ಪಾದನೆ ಉತ್ತೇಜನ ಕೊಡುವ ಅಂಶ ಬಜೆಟ್​ನಲ್ಲಿದೆ ಎಂದು ಶ್ಲಾಘಿಸಿದರು.