ಐವನ್ ಡಿಸೋಜ ವಿಧಾನಪರಿಷತ್ ಅವಧಿ ಮುಕ್ತಾಯ : ವಕೀಲ ವೃತ್ತಿ ಮುಂದುವರಿಸುವ ಇಂಗಿತ..!

ವಿಧಾನಪರಿಷತ್ ಸದಸ್ಯರಾಗಿ ಆರು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ಐವನ್ ಡಿಸೋಜ ಅವರ ಸದಸ್ಯತ್ವದ ಅವಧಿ ಇಂದಿಗೆ ಮುಗಿದಿದೆ. ಈ ಕುರಿತು ಮಾತನಾಡಿದ ಅವರು, ಆರು ವರ್ಷಗಳ ಅವಧಿಯಲ್ಲಿ ಜನರಿಗಾಗಿ ಉತ್ತಮ ಕಾರ್ಯ ಮಾಡಿದ್ದೇನೆ. ಮುಂದೆ ಪಕ್ಷ ಬಲವರ್ಧನೆಗೆ ಪಕ್ಷದಲ್ಲಿ ತೊಡಗಿಸಿಕೊಳ್ಳುತ್ತೇನೆ. ಎರಡನೇ ಅವಧಿಗೆ ವಿಧಾನಪರಿಷತ್ ಸದಸ್ಯತ್ವಕ್ಕೆ ಅವಕಾಶ ಸಿಗದೆ ಇರುವುದರಿಂದ ಈ ಹಿಂದೆ ಮಾಡುತ್ತಿದ್ದ ವಕೀಲ ವೃತ್ತಿಯನ್ನು ಮತ್ತೆ ಆರಂಭಿಸುವ ಇಂಗಿತ ವ್ಯಕ್ತಪಡಿಸಿದ್ದಾರೆ.