ಜೋಡೆತ್ತುಗಳ ಸಾಹಸಮಯ ಓಟ... ಮೈ ಜುಮ್ಮೆನ್ನಿಸುವ ಹೋಳ ಹಬ್ಬ!

ಬೀದರ್​​​: ಹೋಳ ಹಬ್ಬದ ಪ್ರಯುಕ್ತ ಜೋಡೆತ್ತುಗಳ ಓಟವನ್ನು ಜಿಲ್ಲೆಯ ಬಸವಕಲ್ಯಾಣ ತಾಲೂಕಿನ ರಾಜೇಶ್ವರ ಗ್ರಾಮದಲ್ಲಿ ವಿಶಿಷ್ಟವಾಗಿ ಏರ್ಪಡಿಸಲಾಗಿತ್ತು.ಹಬ್ಬದ ನಿಮಿತ್ತ ಈ ಗ್ರಾಮದಲ್ಲಿ ಗ್ರಾಮ ಪಂಚಾಯತ್​​ ವತಿಯಿಂದ ಜೋಡೆತ್ತುಗಳ ಓಟ ನಡೆಯುತ್ತದೆ. ಮಳೆಗಾಲದಲ್ಲಿ ಹಚ್ಚ ಹಸಿರು ಹುಲ್ಲು ಮೆಯ್ದಿರುವ ಎತ್ತುಗಳ ತಾಕತ್ತು ಪ್ರದರ್ಶನ ಮಾಡುವ ಈ ಹಬ್ಬವನ್ನ ಹೋಳ ಹಬ್ಬ ಎನ್ನುತ್ತಾರೆ. ಜಾತೀಯತೆ ಮರೆತು ಹಿಂದೂ-ಮುಸ್ಲಿಂ ಸೇರಿದಂತೆ ಗ್ರಾಮದ ಎಲ್ಲ ರೈತರು ತಮ್ಮ ಎತ್ತುಗಳನ್ನ ಸಿಂಗಾರ ಮಾಡಿ ಒಂದು ಪುಟ್ಟ ಬಂಡಿಯನ್ನ ರೆಡಿ ಮಾಡುತ್ತಾರೆ. ಆ ಬಂಡಿಗೆ ಎತ್ತುಗಳನ್ನ ಹೂಡಿ ಗ್ರಾಮದ ಓಣಿಯಲ್ಲಿ ಮೂರು ಸುತ್ತು ಓಡಿಸಲಾಗುತ್ತೆ. ಆದ್ರೆ ಎತ್ತುಗಳನ್ನು ಓಡಿಸುವಾಗ ಅವುಗಳಿಗೆ ಹೊಡೆಯಬಾರದು. ಎಲ್ಲ ಬಂಡಿಗಳಿಗೆ ಒಂದೊಂದು ನಂಬರ್ ನೀಡಿ, ಅದ್ರರಲ್ಲಿ ಉತ್ತಮವಾಗಿ ಓಡಿದ ಎತ್ತುಗಳಿಗೆ ಪ್ರಥಮ, ದ್ವೀತಿಯ ಬಹುಮಾನವನ್ನ ನೀಡಲಾಗುತ್ತೆ.