ಹಾಸನದಿಂದ ದೆಹಲಿಗೆ ತೆರಳಿದ್ದ 16 ಮಂದಿ: 6 ಮಂದಿ ಮೇಲೆ ವಿಶೇಷ ನಿಗಾ ಇಟ್ಟ ಜಿಲ್ಲಾಡಳಿತ

ಕೊರೊನಾ ಸೋಂಕಿನ ಹಾಟ್ ಸ್ಪಾಟ್ ಎಂದು ದೆಹಲಿ ಗುರುತಿಸಲ್ಪಟ್ಟಿದೆ. ಹಾಸನದಿಂದ 16 ಮಂದಿ ದೆಹಲಿಗೆ ತೆರಳಿದ್ದ ಮಾಹಿತಿ ಇದ್ದು, ಅದರಲ್ಲಿ ಈಗ ಆರು ಮಂದಿ ಜಿಲ್ಲೆಯಲ್ಲಿಯೇ ಇದ್ದಾರೆ. ಉಳಿದವರು ದೆಹಲಿ, ವಾರಂಗಲ್,ಕುಂದಾಪುರ, ಜಮ್ಮು ಕಾಶ್ಮೀರದಲ್ಲಿ ಇರುವ ಮಾಹಿತಿ‌ ತಿಳಿದು ಬಂದಿದೆ. ಹಾಸನ ಜಿಲ್ಲೆಯಲ್ಲಿ ಇರುವವರನ್ನು ಪ್ರತ್ಯೇಕಿಸಿ ನಿಗಾ ವಹಿಸಲಾಗುತ್ತಿದೆ. ಯಾರಿಗೂ ಈವರಗೆ ಕೋವಿಡ್​​-19 ಲಕ್ಷಣಗಳಿಲ್ಲ ಎಂದು ಜಿಲ್ಲಾಧಿಕಾರಿ ಆರ್. ಗಿರೀಶ್ ತಿಳಿಸಿದ್ದಾರೆ.