ಚಾಮರಾಜನಗರದಲ್ಲಿ ರೆಸ್ಟೋರೆಂಟ್ ಧಗಧಗ.. ಅಗ್ನಿ ಅನಾಹುತದಿಂದ ಗ್ರಾಹಕರು ಪಾರು

ಚಾಮರಾಜನಗರ: ಸೋಮವಾರಪೇಟೆ ರಸ್ತೆಯಲ್ಲಿರುವ ಗಾರ್ಡನ್ ಟೆನ್ನಿಸ್​​​ ಕ್ಲಬ್ ರೆಸ್ಟೋರೆಂಟ್​ನಲ್ಲಿ ಅಗ್ನಿ ಅವಘಡ ಸಂಭವಿಸಿ ಇಡೀ ಹೋಟೆಲ್ ಧಗಧಗ ಹೊತ್ತಿ ಉರಿದಿದೆ. ಹಾಡಹಗಲೇ ದಿಢೀರನೆ ಬೆಂಕಿ ಹೊತ್ತಿಕೊಂಡಿದ್ದು ಕ್ಲಬ್​ನ ಎಲ್ಲಾ ಕೊಠಡಿಗಳಿಗೂ ಅಗ್ನಿ ವ್ಯಾಪಿಸಿ ಪೀಠೋಪಕರಣಗಳು ಹೊತ್ತಿ ಉರಿದಿವೆ. ಇದೇ ವೇಳೆ ಬೆಂಕಿ ಕಾಣಿಸಿಕೊಂಡ ಪರಿಣಾಮ ರೆಸ್ಟೋರೆಂಟ್​​​ನಲ್ಲಿದ್ದ ಎಲ್ಲಾ ಗ್ರಾಹಕರು ಓಡಿ ಬಂದು ಅಪಾಯದಿಂದ ಪಾರಾಗಿದ್ದಾರೆ. ಅಗ್ನಿಶಾಮಕ ದಳ ಬೆಂಕಿ ನಂದಿಸುತ್ತಿದ್ದು, ಚಾಮರಾಜನಗರ ಪೂರ್ವ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ‌.