ದೇಶಾಭಿಮಾನಿ ಜೈಲು ಹಕ್ಕಿಗಳಿಂದ ವಿನೂತನ ಗಣರಾಜ್ಯೋತ್ಸವ ಆಚರಣೆ

ಧಾರವಾಡ: ಕೇಂದ್ರ ಕಾರಾಗೃಹದ ಕೈದಿಗಳು ನೂರು ಅಡಿ ಉದ್ದದ ರಾಷ್ಟ್ರ ಧ್ವಜವನ್ನು ತಯಾರಿಸಿ, ವಿನೂತನವಾಗಿ ಗಣರಾಜ್ಯೋತ್ಸವ ಆಚರಣೆ ಮಾಡಿದರು. ಸುಮಾರು 8 ದಿನಗಳಿಂದ ಐವರು ಕೈದಿಗಳು ತಯಾರುಮಾಡಿರುವ ಧ್ವಜದ ಮೇಲೆ ಮೇರಾ ಭಾರತ್ ಮಹಾನ್ ಎಂದು ಬರೆದಿದ್ದಾರೆ. ಈ ಧ್ವಜವನ್ನು ಹಿಡಿದು ಜೈಲಿನ ಕೇಂದ್ರ ಕಾರಾಗೃಹದ ಮುಂದೆ ಜೈಲು ಸಿಬ್ಬಂದಿ ಪ್ರದರ್ಶನ ಮಾಡಿ ವಿಶೇಷವಾಗಿ ಗಣತಂತ್ರ ದಿನಾಚರಣೆ ಮಾಡಿದ್ರು.