ಕಟ್ಟುನಿಟ್ಟಿನ ಕರ್ಪ್ಯೂ.. ರಸ್ತೆಯಲ್ಲಿ ಸಿಲುಕಿದ‌ ಆ್ಯಂಬುಲೆನ್ಸ್​ಗೆ ದಾರಿ ಮಾಡಿಕೊಟ್ಟ ಪೊಲೀಸ್​!

ಕೊರೊನಾ ನಿಯಂತ್ರಣದ ಹಿನ್ನೆಲೆ ರಾಜ್ಯ ಸರ್ಕಾರ ರಾಜ್ಯಾದ್ಯಂತ ಹದಿನಾಲ್ಕು ದಿನಗಳ ಕಟ್ಟುನಿಟ್ಟಿನ ಕರ್ಪ್ಯೂ ಜಾರಿಗೊಳಿಸಿರುವ ಪರಿಣಾಮ ಸಂಜೆಯಾಗುತ್ತಿದ್ದಂತೆ ಬೆಂಗಳೂರು - ಹೊಸೂರು ಮುಖ್ಯ ಹೆದ್ದಾರಿ, ಅತ್ತಿಬೆಲೆ ಟೋಲ್ ಬಳಿ ಕಿಮೀ ಉದ್ದದ ವಾಹನ ದಟ್ಟಣೆ ಏರ್ಪಟ್ಟಿತ್ತು. ಅಲ್ಲದೇ, ಈ ವೇಳೆ ಆ್ಯಂಬುಲೆನ್ಸ್​ ಒಂದು ವಾಹನ ದಟ್ಟಣೆಗಳ ನಡುವೆ ಸಿಲುಕಿಕೊಂಡು ಮುಂದೆ ಸಾಗಲು ಪರದಾಡುವ ಪರಿಸ್ಥಿತಿ ಎದುರಾಯಿತು. ಕೊನೆಗೆ ಅತ್ತಿಬೆಲೆ ಪೊಲೀಸರು ಸ್ಥಳಕ್ಕೆ ಧಾವಿಸಿ ಸಂಚಾರ ದಟ್ಟಣೆಯಲ್ಲೂ ಆ್ಯಂಬುಲೆನ್ಸ್​​ಗೆ ದಾರಿ ಮಾಡಿಕೊಡುವಲ್ಲಿ ಯಶಸ್ವಿಯಾದರು.