ಮಹಾಮಾರಿ ಸೋಂಕು ಗೆದ್ದ ಬೆಳಗಾವಿಯ ಕೊರೊನಾ ವಾರಿಯರ್..

ಬೆಳಗಾವಿಯ ಬಿಮ್ಸ್ ಸಿಬ್ಬಂದಿಯೋರ್ವ ಮಹಾಮಾರಿ ಕೊರೊನಾ ವಿರುದ್ಧ ಸೆಣಸಾಡಿ ಗೆದ್ದು ಬಂದಿದ್ದಾರೆ. ಅಲ್ಲದೇ ಮತ್ತೇ ಸೋಂಕಿತರ ಆರೈಕೆಗೆ ಸಿದ್ಧರಾಗಿದ್ದಾರೆ. ಬೆಳಗಾವಿಯ ಅನ್ನಪೂರ್ಣವಾಡಿ ಕಾಲೊನಿ ನಿವಾಸಿ ವಿಶ್ವಾಸ ಹೊನ್ನಕಡಬಿ ಅವರು ಜಿಲ್ಲಾಸ್ಪತ್ರೆಯಲ್ಲಿ ಸಿಟಿ ಸ್ಕ್ಯಾನ್ ವಿಭಾಗದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರಿಗೆ ಜು.11 ರಂದು ಸೋಂಕು ದೃಢಪಟ್ಟಿತ್ತು. 9 ದಿನಗಳ ಕಾಲ ಇಲ್ಲಿನ ಕೋವಿಡ್ ವಾರ್ಡ್​ನಲ್ಲಿ ಚಿಕಿತ್ಸೆ ಪಡೆದ ಅವರು ಇದೀಗ ಗುಣಮುಖರಾಗಿ ಹೊರಬಂದಿದ್ದಾರೆ. ಅಲ್ಲದೇ 7 ದಿನಗಳ ಹೋಮ್ ಕ್ವಾರಂಟೈನ್ ಅವಧಿಯನ್ನೂ ಪೂರೈಸಿ ನಾಳೆಯಿಂದ ಮತ್ತೇ ಕರ್ತವ್ಯಕ್ಕೆ ಹಾಜರಾಗಲಿದ್ದಾರೆ. ಕೊರೊನಾ ಚಿಕಿತ್ಸೆ ಬಗ್ಗೆ ಅವರು ಈಟಿವಿ ಭಾರತದೊಂದಿಗೆ ಕೆಲ ಮಾಹಿತಿ ಹಂಚಿಕೊಂಡಿದ್ದಾರೆ.