ಕೊರೊನಾಗೆ ಹೆದರಬೇಡಿ, ಧೈರ್ಯದಿಂದಿರಿ: ಶತಾಯುಷಿ ಅಜ್ಜಿಯ ಜಾಗೃತಿ

ಬೆಳಗಾವಿ: ಮಹಾಮಾರಿ ಕೊರೊನಾಗೆ ಇಡೀ ವಿಶ್ವವೇ ತಲ್ಲಣಗೊಂಡಿದೆ. ಕಿಲ್ಲರ್ ಕೊರೊನಾಗೆ ಸಾವಿನ ಸಂಖ್ಯೆ ಕೂಡ ದಿನೇ ದಿನೆ ಹೆಚ್ಚುತ್ತಿದ್ದು ಜನರಲ್ಲಿ ಕೋವಿಡ್ ಬಗ್ಗೆ ಭಯದ ವಾತಾವರಣ ನಿರ್ಮಾಣವಾಗಿದೆ. ಕೋವಿಡ್ ಕುರಿತು ಬೆಳಗಾವಿ ಜಿಲ್ಲೆಯ ಬೈಲಹೊಂಗಲ ಪಟ್ಟಣದ 103 ವರ್ಷ ವಯಸ್ಸಿನ ಅಜ್ಜಿ ಜಾಗೃತಿ ಮೂಡಿಸಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ. ಬೆಳಗಾವಿ ಜಿಲ್ಲೆಯ ಕಡಬಿ ಗಲ್ಲಿಯ ಮಲ್ಲಮ್ಮ ಪುರಾಣಿಕಮಠ (103) ಭೀತಿಗೊಂಡಿರುವ ಜನರಿಗೆ ಧೈರ್ಯ ತುಂಬಿದ್ದಾರೆ. ಕೊರೊನಾಗೆ‌ ಯಾರೂ ಅಂಜಬೇಡಿ, ಧೈರ್ಯದಿಂದಿರಿ ಸರ್ಕಾರದ ಆದೇಶಗಳನ್ನು ಪಾಲಿಸಿ ಎಂದು ಮನವಿ ಮಾಡಿಕೊಂಡಿರುವ ಅಜ್ಜಿಯ ವಿಡಿಯೋ ವೈರಲ್ ಆಗಿದೆ.