ಸಿಎಂ ನೇತೃತ್ವದಲ್ಲಿ ಬೆಂಗಳೂರು ಅಭಿವೃದ್ಧಿಗಾಗಿ ಪೂರ್ವಭಾವಿ ಸಭೆ

ಬೆಂಗಳೂರಿನಲ್ಲಿರುವ ಸಿಎಂ ಗೃಹಕಚೇರಿ ಕೃಷ್ಣಾದಲ್ಲಿ ಬೆಂಗಳೂರು ಅಭಿವೃದ್ದಿ ಕುರಿತಂತೆ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಸಭೆ ನಡೆಸಲಿದ್ದಾರೆ.‌ ಈ ಸಂಬಂಧ ಮಾತಾನಾಡಿದ ಅವರು, ಶಾಸಕರೊಂದಿಗೆ ಬೆಂಗಳೂರು ಅಭಿವೃದ್ಧಿ ಸಿದ್ಧತೆ ಬಗ್ಗೆ ಸಭೆ ಮಾಡುತ್ತೇವೆ. ನಂತರ ದಸರಾ ಸಿದ್ಧತೆ ಬಗ್ಗೆ‌ ಸಭೆ ಮಾಡಲಿದ್ದು, ಇದಕ್ಕಾಗಿ ಅಲ್ಲಿನ‌ ಅಧಿಕಾರಿಗಳು ಬಂದಿದ್ದಾರೆ. ದಸರಾ ಆಚರಣೆ ಹಿನ್ನೆಲೆ ಯಾರನ್ನು ಅತಿಥಿಯಾಗಿ ಕರೆಯಬೇಕು ಅನ್ನೋ ಬಗ್ಗೆ ಚರ್ಚೆ ಮಾಡಲಾಗುವುದು ಎಂದು ಅವರು ತಿಳಿಸಿದರು. ಇನ್ನು ಇದೇ ವೇಳೆ ಸತತ ಒಂದು ಗಂಟೆಗಳ ಕಾಲ ಕಾದಿದ್ದ ಸಾರ್ವಜನಿಕರ ಬಳಿ ತಾವೇ ಹೋಗಿ ಮನವಿ ಪತ್ರ ಸ್ವೀಕರಿಸಿದರು.