ಗೋಪೂಜೆ ಮಾಡುವ ಮೂಲಕ ಸಂಕ್ರಾಂತಿ ಆಚರಿಸಿದ ಬಿಎಂಟಿಸಿ ಅಧ್ಯಕ್ಷ ನಂದೀಶ್ ರೆಡ್ಡಿ

ಕೆಆರ್ ಪುರ: ಬಿಎಂಟಿಸಿ ಅಧ್ಯಕ್ಷ ‌ನಂದೀಶ್‌ ರೆಡ್ಡಿ ಮನೆಯಲ್ಲಿ ಸಂಕ್ರಾಂತಿ ಸಂಭ್ರಮ ಮನೆ ಮಾಡಿದ್ದು, ಪ್ರತಿ ವರ್ಷದಂತೆ ಈ ಭಾರಿಯು ದೊಡ್ಡನೆಕ್ಕುಂದಿಯ ತಮ್ಮ ನಿವಾಸದಲ್ಲಿ ಸಾಕಿರುವ ಹಸುಗಳನ್ನು ಸಿಂಗರಿಸಿ ತಮ್ಮ ಕುಟುಂಬ ಸಮೇತ ಹಸುಗಳಿಗೆ ಪೂಜೆ ಸಲ್ಲಿಸಿ, ಕಿಚಾಯಿಸಿದರು. ಈ ಸಂದರ್ಭದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ನಂದೀಶ್ ರೆಡ್ಡಿ ಮುಕ್ಕೋಟಿ ದೇವತೆಗಳು ಗೋವಿನ ದೇಹದಲ್ಲಿರುವುದಿರಿಂದ ಕಳೆದ ಹಲವು ವರ್ಷಗಳಿಂದ ನಮ್ಮ ಮನೆಯಲ್ಲಿ ಸಾಕಿರುವ ಹಸುಗಳಿಗೆ ವಾರಕ್ಕೆ ಎರಡು ಭಾರಿ ಗೋಪೂಜೆ ಮಾಡಿಕೊಂಡು ಬರುತ್ತಿದ್ದು, ಸಂಕ್ರಾಂತಿ ಹಬ್ಬದಂದು ವಿಶೇಷ ಪೂಜೆ ಮಾಡಿ ಕಿಚ್ಚಾಯಿಸುತ್ತೇವೆಂದು ತಿಳಿಸಿದರು.