ಕೃಷಿ ಸಚಿವರೇ ಈ ರೈತನ ಗೋಳು ಕೇಳಿ: ಬಾಳೆಗಿಡದಲ್ಲೇ ಕೊಳೆಯುತ್ತಿದೆ ಬಂಗಾರದ ಬೆಳೆ

ಕೊರೊನಾ ವೈರಸ್​​​ ನಿಯಂತ್ರಿಸಲು ಲಾಕ್‌ಡೌನ್‌ ಘೋಷಣೆಯಾದ ಬಳಿಕ ರೈತರು ಭಾರಿ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಕಷ್ಟಪಟ್ಟು ಬೆಳೆದ ಬೆಳೆಗಳನ್ನು ಕೊಳ್ಳಲು ಯಾರೂ ಮುಂದೆ ಬರುತ್ತಿಲ್ಲ. ಹೀಗಾಗಿ ಬಂಗಾರದಂಥ ಬೆಳೆ ನಷ್ಟವಾಗಿ ರೈತರು ಹತಾಶೆಗೀಡಾಗಿದ್ದಾರೆ. ಬಳ್ಳಾರಿಯ ಕಂಪ್ಲಿ ತಾಲೂಕಿನ ರಾಮಸಾಗರದ ಗ್ರಾಮದ ರೈತರೊಬ್ಬರು 5 ಎಕರೆ ಪ್ರದೇಶದಲ್ಲಿ ಬಾಳೆ ಬೆಳೆದಿದ್ದಾರೆ. ಒಳ್ಳೆಯ ಫಸಲು ಕೂಡಾ ಬಂದಿದೆ. ಆದ್ರೆ, ಬಾಳೆ ಗಿಡದಲ್ಲೇ ಹಣ್ಣಾಗಿ ಕೊಳೆಯುವ ಹಂತ ತಲುಪಿದೆ. ಲಾಕ್​ಡೌನ್​ ಪರಿಣಾಮ ಮಾರಾಟವಾಗದೆ, ಬೆವರು ಸುರಿಸಿ ಮಕ್ಕಳಂತೆ ಸಾಕಿದ ಬೆಳೆಯೆಲ್ಲಾ ಕಣ್ಣೆದುರೇ ಹಾಳಾಗುತ್ತಿದೆ. ಉಮ್ಮಳಿಸಿ ಬರುತ್ತಿರುವ ಕಣ್ಣೀರನ್ನು ತಡೆದು ಇಲ್ಲೊಬ್ಬ ರೈತ ತನ್ನ ಸಂಕಟ ಹೇಳಿಕೊಂಡಿದ್ದಾನೆ ನೋಡಿ.