ತಿಪಟೂರಿನಲ್ಲಿ ಹಾಡ ಹಗಲೇ ಯುವಕನಿಗೆ ಮಚ್ಚಿನಿಂದ ಹಲ್ಲೆ -ವಿಡಿಯೋ

ತುಮಕೂರು: ಹಾಡ ಹಗಲೇ ರಸ್ತೆ ಮಧ್ಯೆ ಯುವಕನೊಬ್ಬನ ಮೇಲೆ ಮಚ್ಚಿನಿಂದ ಭೀಕರವಾಗಿ ಹಲ್ಲೆ ಮಾಡಿರುವ ಘಟನೆ ತಿಪಟೂರು ಪಟ್ಟಣದ ರಂಗಾಪುರ ರಸ್ತೆ ಗಾಂಧಿ ನಗರದ 1ನೇ ಕ್ರಾಸ್​ನಲ್ಲಿ ನಡೆದಿದೆ. ಚಿಕ್ಕ ಮಂಜ (28) ಎಂಬಾತನ ಮೇಲೆ ತಮಿಳು ಕಾಲೊನಿಯ ವೆಂಕಟೇಶ್ ಅಲಿಯಾಸ್ ಸೀಮೆಣ್ಣೆ ವೆಂಕಟೇಶ್ (45) ಎಂಬಾತ ಹಲ್ಲೆ ನಡೆಸಿದ್ದಾನೆ. ಕ್ಷುಲ್ಲಕ ಕಾರಣಕ್ಕೆ ಮಾತಿಗೆ ಮಾತು ಬೆಳೆದು, ವೆಂಕಟೇಶ್ ಚಿಕ್ಕ ಮಂಜನ ಮೇಲೆ ದಾಳಿ ನಡೆಸಿದ್ದಾನೆ ಎಂದು ತಿಳಿದು ಬಂದಿದೆ. ಗಾಯಗೊಂಡ ಚಿಕ್ಕ ಮಂಜನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹಲ್ಲೆ ಮಾಡಿದ ವೆಂಕಟೇಶ್ ಪೊಲೀಸರಿಗೆ ಶರಣಾಗಿದ್ದಾನೆ.