ಸರ್ಕಾರ ಮೃತ ನವೀನ್​ ಪಾರ್ಥಿವ ಶರೀರವನ್ನು ಬೇಗ ತರುವ ಕೆಲಸ ಮಾಡಬೇಕು: ಎಸ್​ ಆರ್​​ ಪಾಟೀಲ್​

ಹಾವೇರಿ: ಕಾಂಗ್ರೆಸ್​ ಮುಖಂಡ ಎಸ್​.ಆರ್​​. ಪಾಟೀಲ್​​ ಅವರು ರಾಣೆಬೆನ್ನೂರು ತಾಲೂಕಿನ ಚಳಗೇರಿ ಗ್ರಾಮದಲ್ಲಿರುವ ಮೃತ ನವೀನ್​​ ಮನೆಗೆ ಭೇಟಿ ನೀಡಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದರು. ಇದೇ ವೇಳೆ ಮಾತನಾಡಿದ ಅವರು, ಪ್ರಧಾನಿ ಮೋದಿಯವರು ತ್ವರಿತವಾಗಿ ಉಕ್ರೇನ್​ನಲ್ಲಿರುವ ನವೀನ್​ ಪಾರ್ಥಿವ ಶರೀರನ್ನು ಭಾರತಕ್ಕೆ ತರುವ ಕೆಲಸ ಮಾಡಬೇಕು. ಯುವಕನ ಕುಟುಂಬಕ್ಕೆ ಒಂದು ಕೋಟಿ ರೂ. ಪರಿಹಾರ ನೀಡಿ ಆತನ ಸಹೋದರನಿಗೆ ಯೋಗ್ಯ ಉದ್ಯೋಗ ನೀಡುವಂತೆ ಮನವಿ ಮಾಡಿದರು. ಇದರ ಜೊತೆಗೆ ಉಕ್ರೇನ್​ನಲ್ಲಿ ಸಿಲುಕಿರುವ ಎಲ್ಲಾ ವಿದ್ಯಾರ್ಥಿಗಳು ಸಾಕಷ್ಟು ಸಂಕಷ್ಟ ಎದುರಿಸುತ್ತಿದ್ದು, ಆದಷ್ಟು ಬೇಗ ಅವರನ್ನು ರಕ್ಷಿಸಬಬೇಕೆಂದು ಒತ್ತಾಯಿಸಿದರು.