ಹೆಚ್ಚುತ್ತಿರುವ ಕೋವಿಡ್​ ಪ್ರಕರಣ: ಕ್ವಾರಂಟೈನ್​ ಸೆಂಟರ್​ ಆಗಲಿದೆ ಈಡನ್​ ಗಾರ್ಡನ್​!

ಕೋಲ್ಕತ್ತಾ: ಪಶ್ಚಿಮ ಬಂಗಾಳದಲ್ಲಿ ದಿನದಿಂದ ದಿನಕ್ಕೆ ಕೋವಿಡ್​-19 ಸೋಂಕಿತ ಪ್ರಕರಣ ಹೆಚ್ಚಾಗುತ್ತಿದ್ದು, ಹೀಗಾಗಿ ಐತಿಹಾಸಿಕ ಈಡನ್​ ಗಾರ್ಡನ್​ ಗ್ಯಾಲರಿಯಲ್ಲಿ ಕ್ವಾರಂಟೈನ್​ ಸೆಂಟರ್​ ನಿರ್ಮಿಸಲು ಅಲ್ಲಿನ ಸರ್ಕಾರ ಮುಂದಾಗಿದೆ. ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಕೋಲ್ಕತ್ತಾ ಪೊಲೀಸರು ಈಗಾಗಲೇ ಕ್ರಿಕೆಟ್​ ಅಸೋಷಿಯೇಷನ್​ ಬೆಂಗಾಲ್​ಗೆ ಮನವಿ ಮಾಡಿಕೊಂಡಿದ್ದು, ಅದಕ್ಕೆ ಸಮ್ಮತಿ ಸೂಚಿಸಿದೆ ಎಂದು ತಿಳಿದು ಬಂದಿದೆ. ಹೀಗಾಗಿ ಈಡನ್​ ಗಾರ್ಡನ್​​ನ E, G ಹಾಗೂ F ಬ್ಲಾಕ್​​ಗಳಲ್ಲಿ ಕ್ವಾರಂಟೈನ್​ ಸೆಂಟರ್​ ನಿರ್ಮಾಣವಾಗುವುದು ಬಹುತೇಕ ಖಚಿತವಾಗಿದೆ.