'ಬಿಗ್​​ ಬಾಸ್​​ 15' ಗೆದ್ದ ಸುಂದರಿ ತೇಜಸ್ವಿ ಪ್ರಕಾಶ್​ ಹೇಳಿದ್ರು ಈ ಮಾತು!

ಮುಂಬೈ(ಮಹಾರಾಷ್ಟ್ರ): ಕಿರುತೆರೆ ನಟಿ ತೇಜಸ್ವಿ ಪ್ರಕಾಶ್​​ ಬಿಗ್​ ಬಾಸ್​​ 15ರ ವಿಜೇತೆಯಾಗಿ ಹೊರಹೊಮ್ಮಿದ್ದು, ಟ್ರೋಫಿ ಜೊತೆಗೆ 40 ಲಕ್ಷ ರೂ. ನಗದು ಬಹುಮಾನವನ್ನು ಮುಡಿಗೇರಿಸಿಕೊಂಡಿದ್ದಾರೆ. ಪ್ರಶಸ್ತಿ ಗೆದ್ದು ಈಗಾಗಲೇ ಮನೆಗೆ ತೆರಳಿರುವ ತೇಜಸ್ವಿ ಪ್ರಕಾಶ್​​ ಸಾಮಾಜಿಕ ಜಾಲತಾಣದಲ್ಲಿ ಲೈವ್ ಬಂದು ಫಾಲೋವರ್ಸ್​​ ಹಾಗೂ ಬೆಂಬಲ ಸೂಚಿಸಿದ ಎಲ್ಲರಿಗೂ ಧನ್ಯವಾದ ಅರ್ಪಿಸಿದ್ದಾರೆ. ಇದರ ಬೆನ್ನಲ್ಲೇ ತನ್ನ ಗೆಲುವಿನಿಂದ ಅನೇಕರು ಹೊಟ್ಟೆಕಿಚ್ಚು ಪಟ್ಟಿದ್ದಾರೆ. ನಾನು ಬಿಗ್​ಬಾಸ್​ ಗೆದ್ದಿರುವುದು ಇತರರ ದೌರ್ಬಲ್ಯಗಳಿಂದಲ್ಲ, ಹೊರತಾಗಿ ನನ್ನಲ್ಲಿರುವ ಶಕ್ತಿಯಿಂದ ಹೋರಾಡಿ ಎಂದು ತಿರುಗೇಟು ನೀಡಿದ್ದಾರೆ.