ಸ್ಟೆತಸ್ಕೋಪ್​ ಹಿಡಿದು ಸಂಗೀತ ಪ್ರಿಯರ ಹೃದಯ ಬಡಿತ ಪರೀಕ್ಷೆ... 'ಐ ಲವ್​​ ಯು' ಸಂಗೀತ ನಿರ್ದೇಶಕನ ಸಿನಿ ಜರ್ನಿ

ಜೂನ್ 14 ರಂದು ಬಿಡುಗಡೆಯಾದ ಉಪೇಂದ್ರ ಹಾಗೂ ರಚಿತಾ ರಾಮ್ ಅಭಿನಯದ 'ಐ ಲವ್ ಯು' ಸಿನಿಮಾ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಇನ್ನು ಚಿತ್ರದ ಹಾಡುಗಳಂತೂ ಸಂಗೀತ ಪ್ರಿಯರ ಮನಗೆದ್ದಿದೆ. ಈ ಚಿತ್ರದ ಹಾಡುಗಳಿಗೆ ಸಂಗೀತ ನೀಡಿರುವ ಡಾ. ಕಿರಣ್​​ಗೆ ಇದು ಮೊದಲನೇ ಸಿನಿಮಾ. ಚೊಚ್ಚಲ ಸಿನಿಮಾದಲ್ಲೇ ಯಶಸ್ವಿ ಸಂಗೀತ ನಿರ್ದೇಶಕ ಎಂದು ಹೆಸರು ಪಡೆದಿದ್ದಾರೆ. ವೃತ್ತಿಯಲ್ಲಿ ವೈದ್ಯರಾಗಿದ್ದು ಪ್ರವೃತ್ತಿಯಲ್ಲಿ ಸಂಗೀತ ನಿರ್ದೇಶಕರಾಗಿರುವ ಡಾ. ಕಿರಣ್​​​ಗೆ ಈಗಾಗಲೇ ಸಾಲು ಸಾಲು ಸಿನಿಮಾಗಳಲ್ಲಿ ಆಫರ್ ಬರುತ್ತಿದೆಯಂತೆ.