'ಚಪಾಕ್​​​' ಪ್ರೀಮಿಯರ್ ಶೋನಲ್ಲಿ ಎಲ್ಲರ ಕೇಂದ್ರಬಿಂದುವಾದ ದೀಪ್​​ವೀರ್

ದೀಪಿಕಾ ಪಡುಕೋಣೆ ಅಭಿನಯದ 'ಚಪಾಕ್​​​' ಸಿನಿಮಾ ನಾಳೆ ದೇಶಾದ್ಯಂತ ಬಿಡುಗಡೆಯಾಗುತ್ತಿದೆ. ನಿನ್ನೆ ಸಂಜೆ 'ಚಪಾಕ್​​​' ಚಿತ್ರತಂಡ ಮುಂಬೈನಲ್ಲಿ ಪ್ರೀಮಿಯರ್ ಶೋ ಆಯೋಜಿಸಿತ್ತು. ಈ ಕಾರ್ಯಕ್ರಮದಲ್ಲಿ ದೀಪಿಕಾ ನೀಲಿ ಬಣ್ಣದ ಸೀರೆಯುಟ್ಟು ಎಲ್ಲರ ಆಕರ್ಷಣೆಯ ಕೇಂದ್ರಬಿಂದುವಾಗಿದ್ದರು. ದೀಪಿಕಾ ಮಾತ್ರವಲ್ಲ, ರಣ್ವೀರ್ ಸಿಂಗ್​​​​​​​​​​​​​​ ಕೂಡಾ ಕಾರ್ಯಕ್ರಮದಲ್ಲಿ ಎಲ್ಲರ ಗಮನ ಸೆಳೆದರು. ಈ ಕಾರ್ಯಕ್ರಮಕ್ಕೆ ದೀಪಿಕಾ ತಂದೆ ತಾಯಿ, ಬಾಲಿವುಡ್​ ಸ್ಟಾರ್​​ಗಳಾದ ಭೂಮಿ ಪೆಡ್ನೇಕರ್, ಸಿದ್ದಾಂತ್ ಚತುರ್ವೇದಿ, ರಿತೇಶ್ ದೇಶ್​​ಮುಖ್ ಹಾಗು ಜೆನಿಲಿಯಾ ಡಿಸೋಜ, ಅರ್ಬಾಜ್ ಖಾನ್, ಹುಮಾ ಖುರಿಷಿ, ಫ್ಯಾಷನ್ ಡಿಸೈನರ್ ಮನೀಷ್ ಮಲ್ಹೋತ್ರ, ಹಿರಿಯ ನಟಿ ರೇಖಾ, ಬೋನಿ ಕಪೂರ್​​​ ಹಾಗೂ ಇನ್ನಿತರರು ಆಗಮಿಸಿದ್ದರು.