ರಸ್ತೆಯಲ್ಲಿ ಸಿಲುಕಿದ್ದ ಟ್ರಕ್​ ಉರುಳಿ ಕಂದಕಕ್ಕೆ ಬಿತ್ತು: ವಿಡಿಯೋ

ಪೌರಿ (ಉತ್ತರಾಖಂಡ): ಮಣ್ಣಿನ ರಸ್ತೆಯಲ್ಲಿ ಸಿಲುಕಿದ್ದ ಟ್ರಕ್​ವೊಂದು ಪಕ್ಕದ ಕಂದಕಕ್ಕೆ ಉರುಳಿಬಿದ್ದ ಘಟನೆ ಉತ್ತರಾಖಂಡದ ಪೌರಿ ಜಿಲ್ಲೆಯಲ್ಲಿ ನಡೆದಿದೆ. ಅದೃಷ್ಟವತಾಶ್​ ಚಾಲಕ ಮತ್ತು ಹೆಲ್ಪರ್​ ಟ್ರಕ್​ನಿಂದ ಇಳಿದು ಪ್ರಾಣವನ್ನು ಉಳಿಸಿಕೊಂಡಿದ್ದಾರೆ. ರಸ್ತೆಯಿಂದ ಕಂದಕಕ್ಕೆ ವಾಹನ ಪಲ್ಟಿ ಹೊಡೆಯುತ್ತಿರುವ ದೃಶ್ಯಗಳನ್ನು ಸ್ಥಳೀಯರು ತಮ್ಮ ಮೊಬೈಲ್​ನಲ್ಲಿ ಸೆರೆಹಿಡಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಇಲ್ಲಿನ ಬೆಜ್ವಾನಿ ಗ್ರಾಮದ ಸಬ್ದರ್ಖಾಲ್ ರಸ್ತೆಯಲ್ಲಿ ಈ ಘಟನೆ ನಡೆದಿದೆ. ರಸ್ತೆಯು ಅತ್ಯಂತ ಕಳಪೆ ಗುಣಮಟ್ಟದ್ದಾಗಿದ್ದು, ಟ್ರಕ್​ ಸಂಚರಿಸುತ್ತಿರಬೇಕಾದರೆ ಹಿಂಬದಿಯ ಚಕ್ರ ರಸ್ತೆಯಲ್ಲಿ ಸಿಲುಕಿಕೊಂಡಿದೆ. ನಂತರ ಕೆಲ ಹೊತ್ತಿನ ನಂತರ ಲಾರಿಯ ಭಾರದಿಂದ ಮತ್ತಷ್ಟು ಕುಸಿದು ಹೋಗಿದೆ. ಇದರಿಂದ ಕ್ಷಣ, ಕಣಕ್ಕೂ ಟ್ರಕ್​ ಕುಸಿಯುತ್ತಲೇ ಪಕ್ಕದ ಕಂದಕಕ್ಕೆ ಉರುಳಿ ಬಿದ್ದಿದೆ.

ಮತ್ತೊಂದೆಡೆ, ಟ್ರಕ್​ ವಿಕಾಸ್ ರಾವತ್ ಎಂಬುವವರಿಗೆ ಸೇರಿದ್ದು ಎಂದು ತಿಳಿದುಬಂದಿದೆ. ಗೈರಸೈನ್ ನಿವಾಸಿ ಜಗದೀಶ್ ಅಲಿಯಾಸ್ ಜಾಗಿ ಎಂಬವರು ಟ್ರಕ್​ಅನ್ನು ಚಲಾಯಿಸುತ್ತಿದ್ದರು. ಅಲ್ಲದೇ, ಟ್ರಕ್​ನಲ್ಲಿ ಹೆಲ್ಪರ್​ ಕೂಡ ಇದ್ದ. ಆದರೆ, ರಸ್ತೆಯಲ್ಲಿ ಚಕ್ರ ಸಿಲುಕಿದ ತಕ್ಷಣವೇ ಇಬ್ಬರು ಕೂಡ ಎಚ್ಚೆತ್ತುಕೊಂಡು ಕೆಳಗೆ ಇಳಿದಿದ್ದಾರೆ. ಇದರಿಂದ ಪ್ರಾಣ ಹಾನಿ ತಪ್ಪಿದಂತಾಗಿದೆ. 

ಇದನ್ನೂ ಓದಿ: ಮೂರು ಪ್ರತ್ಯೇಕ ರಸ್ತೆ ಅಪಘಾತ.. 14 ಜನರ ದುರ್ಮರಣ