ವಿಶೇಷಚೇತನ ಯುವಕನ ಕೈಯಲ್ಲಿ ಅರಳಿದ ಅದ್ಭುತ ಚಿತ್ರಗಳು..

ಕೋಯಿಕ್ಕೋಡ್ (ಕೇರಳ): ಬೆನ್ನುಹುರಿಯಲ್ಲಿ ಗಡ್ಡೆಯಿಂದ ಬಳಲುತ್ತಿದ್ದ ಕೋಯಿಕ್ಕೋಡ್ ಜಿಲ್ಲೆಯ ಬಲುಶೇರಿ ನಿವಾಸಿ ಸಮೀಜ್ ವಿಶೇಷ ಸಾಧನೆ ಮಾಡಿದ ಕಥೆ ಇದು. ಹೌದು, 7ನೇ ತರಗತಿವರೆಗೆ ಎಲ್ಲರಂತೆ ನಗುತ್ತಾ ಸಾಮಾನ್ಯವಾಗಿ ಆಟವಾಡುತ್ತ ಬೆಳೆದ ಸಮೀಜ್, 2ನೇ ತರಗತಿಯಲ್ಲಿ ಓದುತ್ತಿದ್ದಾಗ ಕುತ್ತಿಗೆಯಲ್ಲಿ ನೋವು ಕಾಣಿಸಿಕೊಂಡಿತ್ತು. 

ಮೊದಲಿಗೆ ಸಮೀಜ್​ಗೆ ಅವರ ಪೋಷಕರು ಆಯುರ್ವೇದ ಹಾಗೂ ನೈಸರ್ಗಿಕ ಚಿಕಿತ್ಸೆ ಕೊಡಿಸಿದ್ದರು. ಆದರೆ, ಅದಕ್ಕೆ ಸೂಕ್ತವಾದ ಪರಿಹಾರ ದೊರೆಯಲಿಲ್ಲ. ಎಂಆರ್​ಐ ಸ್ಕ್ಯಾನ್ ಮಾಡಿದ ನಂತರ ಬೆನ್ನುಹುರಿಯಲ್ಲಿ ಗೆಡ್ಡೆ ಇರುವುದು ಪತ್ತೆಯಾಗಿದೆ. 2009ರಲ್ಲಿ ಸಮೀಜ್​ಗೆ ಕೋಯಿಕ್ಕೋಡ್ ವೈದ್ಯಕೀಯ ಕಾಲೇಜಿನಲ್ಲಿ ಶಸ್ತ್ರಚಿಕಿತ್ಸೆ ಮಾಡಲಾಗಿತ್ತು. ಅಷ್ಟರಲ್ಲಾಗಲೇ ಆ ಗಡ್ಡೆ ಬೆಳೆದು ನಿಂತಿದ್ದರಿಂದ ದೇಹದ ಆಕಾರವೇ ಬದಲಾಗಿತ್ತು.

ನಡೆಯಲು ಸಾಧ್ಯವಾಗದ ಸಮೀಜ್​ಗೆ ಪೋಷಕರು 12ನೇ ತರಗತಿವರೆಗೆ ವಿದ್ಯಾಭ್ಯಾಸ ಕೊಡಿಸಿದ್ದಾರೆ. ನಿತ್ಯ ಮನೆಯವರ ಆತನನ್ನು ಕರೆತಂದು ಶಾಲೆಗೆ ಬಿಟ್ಟು ಹೋತ್ತಿದ್ದರು. ಈಗ ಸಮೀಜ್​ನನ್ನು ಮನೆಯಲ್ಲಿ ಬಿಟ್ಟು, ತಂದೆ ಮುಜೀಬ್ ಮತ್ತು ತಾಯಿ ಸಮೀರಾ ಕೆಲಸಕ್ಕೆ ಹೋಗುತ್ತಾರೆ. ಈಗ ಅವರಿಗೆ 19 ವರ್ಷ.

ಚಿತ್ರ ಬಿಡಿಸಲು ಕಾಯಕದಲ್ಲಿ ತೊಡಗಿದ ಸಮೀಜ್: ಸ್ವಂತ ಸಣ್ಣ ಆದಾಯ ಗಳಿಸಬೇಕು ಎಂದು ಅನಿಸಿದ್ದರಿಂದ ಅವರು ಚಿತ್ರ ಬಿಡಿಸುವ ಕಾಯಕ ಆರಂಭಿಸಿದ್ದಾರೆ. ಈಗ ವಿಶೇಷಚೇತನ ಯುವಕ ತಮ್ಮ ಚಿತ್ರಗಳನ್ನು ಮಾರಾಟ ಮಾಡುವ ಮೂಲಕ ಆದಾಯ ಗಳಿಸಲು ಮುಂದಾಗಿದ್ದಾರೆ. ಇವರಿಗೆ ಹೆಚ್ಚಾಗಿ ವಾಹನಗಳ ಬಗ್ಗೆ ಆಸಕ್ತಿ ಇದೆ. ಈ ಯುವಕ ಕುಂಚದಿಂದ ವಾಹನಗಳ ಚಿತ್ರಗಳು ಅರಳಿವೆ. ಜೊತೆಗೆ ಮೋಹನ್ ಲಾಲ್, ಮಮ್ಮುಟ್ಟಿ ಮತ್ತು ದುಲ್ಕರ್ ಸಲ್ಮಾನ್ ಅವರಂತಹ ಚಲನಚಿತ್ರ ತಾರೆಯರ ಚಿತ್ರಗಳನ್ನು ಬಿಡಿಸಿದ್ದಾರೆ. ತಾನೇ ಸ್ವತಃ ವಾಹನ ಓಡಿಸಬೇಕು ಎನ್ನುವುದು ಸಮೀಜ್ ಅವರ ದೊಡ್ಡ ಕನಸು ಹೊಂದಿದ್ದಾರೆ. ಈ ಯುವಕ ಅದನ್ನು ಕೂಡಾ ನನಸು ಮಾಡಲು ಪ್ರಯತ್ನಿಸುತ್ತಿದ್ದಾನೆ.

ಇದನ್ನೂ ಓದಿ: ಹಾವೇರಿ: ರಂಗಪಂಚಮಿ ರಂಗು, ಪ್ರಮುಖ ಬೀದಿಗಳಲ್ಲಿ ಕಾಮರತಿ ಪ್ರತಿಷ್ಠಾಪನೆ