ರಾಷ್ಟೀಯ ಸಮ್ಮೇಳನದ ಹಿರಿಯ ನಾಯಕ ಅಬ್ದುಲ್​ ಮಜೀದ್​ ಲಾರ್ಮಿ ಅವರ ವಾಣಿಜ್ಯ ಕಟ್ಟಡ ತೆರವು..

ಅನಂತನಾಗ್ (ಜಮ್ಮು ಮತ್ತು ಕಾಶ್ಮೀರ): ಅಕ್ರಮವಾಗಿ ಒತ್ತುವರಿ ಮಾಡಿರುವ ಸಾರ್ಕರಿ ಜಾಗವನ್ನು ತೆರವುಗೊಳಿಸುವ ಕಾರ್ಯಾಚರಣೆಗೆ ಸರ್ಕಾರ ಮುಂದಾಗಿದೆ. ಇಲ್ಲಿಯ ವಿನ್ಪೋಹ್ ಪ್ರದೇಶದಲ್ಲಿ ಸರ್ಕಾರಕ್ಕೆ ಸೇರಿದ್ದ ಜಾಗದಲ್ಲಿ ಅಕ್ರಮವಾಗಿ ಕಟ್ಟಲಾಗಿದ್ದ ರಾಷ್ಟೀಯ ಸಮ್ಮೇಳನದ ಹಿರಿಯ ನಾಯಕ ಅಬ್ದುಲ್​ ಮಜೀದ್​ ಲಾರ್ಮಿ ಅವರಿಗೆ ಸೇರಿದ್ದ ವಾಣಿಜ್ಯ ಕಟ್ಟಡವನ್ನು ಇಂದು ತೆರವುಗೊಳಿಸಲಾಗಿದೆ. ಎರಡು ಅಂತಸ್ತಿನ ಕಟ್ಟಡ ಇದಾಗಿದ್ದು, ಬಲ್ಡೋಜರ್​ ಮೂಲಕ ತೆರವು ಮಾಡಲಾಗಿದೆ. 

ಕಳೆದ ವಾರ ಕಟ್ಟಡವನ್ನು ತೆರವುಗೊಳಿಸವುಂತೆ ಸರ್ಕಾರ ನೋಟಿಸ್​ ನೀಡಿತ್ತು. ಅಲ್ಲದೇ ಈ ಕಟ್ಟಡದಲ್ಲಿ ಜಮ್ಮು ಮತ್ತು ಕಾಶ್ಮೀರ್​ ಬ್ಯಾಂಕ್​ನ ಶಾಖೆ ಇದ್ದ ಕಾರಣ ಒಂದು ವಾರದೊಳಗೆ ಬ್ಯಾಂಕ್​ನ್ನು ಬೇರೊಂದು ಕಡೆ ಸ್ಥಳಾಂತರಿಸಲು ಸರ್ಕಾರ ತಿಳಿಸಿತ್ತು. ಅದರಂತೆ ಇಂದು ಕಟ್ಟಡವನ್ನು ನೆಲ ಸಮಗೊಳಿಸಲಾಗಿದೆ.   

ಇದನ್ನೂ ಓದಿ: ಹಿಮದಿಂದ ಹೊಳೆಯುತ್ತಿರುವ ಪರ್ವತ ಶ್ರೇಣಿಗಳು: ಗಂಗೋತ್ರಿಯಲ್ಲಿ ಹಿಮಪಾತದ ಅದ್ಭುತ ದೃಶ್ಯ ನೋಡಿ