ಮಾಸ್ಟರ್​ ಬ್ಲಾಸ್ಟರ್​ ಸಚಿನ್​ ತೆಂಡೂಲ್ಕರ್ ಹುಟ್ಟುಹಬ್ಬದ ವಿಶೇಷ ಆಚರಣೆ ಹೀಗಿತ್ತು!

ಸಾಂಗ್ಲಿ (ಮಹಾರಾಷ್ಟ್ರ): ಕ್ರಿಕೆಟ್​ನ ದಂತಕಥೆ ಹಾಗೂ ಕ್ರಿಕೆಟ್​ ದೇವರು ಎಂದೇ ಪ್ರಸಿದ್ಧಿ ಪಡೆದಿರುವ ಸಚಿನ್ ತೆಂಡೂಲ್ಕರ್ ಇಂದು 50ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಈ ದಿನದಂದು ​ಅವರ ಅಭಿಮಾನಿಗಳು ಸೇರಿದಂತೆ ಕ್ರಿಕೆಟ್​ ಪ್ರಿಯರು ಹುಟ್ಟುಹಬ್ಬ ಆಚರಣೆ ಮಾಡುತ್ತಿದ್ದಾರೆ. 

ಮಹಾರಾಷ್ಟ್ರದ ಸಾಂಗ್ಲಿ ಜಿಲ್ಲೆಯ ಶಿರಾಳ ತಾಲೂಕಿನ ಔಂಧಿಯ ಗ್ರಾಮದಲ್ಲೂ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್​ರ ಹುಟ್ಟುಹಬ್ಬವನ್ನು ವಿಭಿನ್ನ ಮತ್ತು ವಿಶೇಷವಾಗಿ ಆಚರಿಸಿದ್ದಾರೆ. ಗ್ರಾಮದ ಪ್ರತಿಯೊಂದು ಮನೆಗೆಳ ಮುಂದೆ 'ತೆಂಡ್ಲ್ಯಾ' ಚಿತ್ರತಂಡ ಬ್ಯಾಟ್​ ಸೇರಿದಂತೆ ಸಚಿನ್​ ಅವರ ಚಿತ್ರವನ್ನು ಬಿಡಿಸಿ ರಂಗೋಲಿ ಹಾಕಿದ್ದಾರೆ.

ಇನ್ನು ಸಾಂಗ್ಲಿಯ ವಾಳ್ವಾದ ಸಚಿನ್ ಜಾಧವ್ ಅವರು ಸಚಿನ್​ ತೆಂಡೂಲ್ಕರ್​ರ ಕುರಿತಾದ 'ತೆಂಡ್ಲ್ಯಾ' ಎಂಬ ಚಿತ್ರ ನಿರ್ಮಿಸಿದ್ದಾರೆ. ಈ ಚಿತ್ರ ಮೇ 5 ರಂದು ಬಿಡುಗಡೆಯಾಗಲಿದೆ. ಅದಕ್ಕೂ ಮೊದಲು ಚಿತ್ರವು ಈಗಾಗಲೇ ಐದು ರಾಜ್ಯ ಮಟ್ಟದ ಪ್ರಶಸ್ತಿಗಳನ್ನು ಗೆದ್ದಿದೆ. ಚಿತ್ರ ಬಿಡುಗಡೆಗೂ ಮುನ್ನ ಸಚಿನ್​ ಹುಟ್ಟುಹಬ್ಬವನ್ನು ಚಿತ್ರತಂಡ ಅದ್ಧೂರಿಯಾಗಿ ಆಚರಿಸಿದೆ. 

ಗ್ರಾಮದಲ್ಲಿ ಸಚಿನ್​ರ ಬೃಹತ್​ ಗಾತ್ರದ ಕಟೌಟ್​ ಹಾಕಲಾಗಿದೆ. ಆಚರಣೆಯಲ್ಲಿ ಖ್ಯಾತ ಕ್ರಿಕೆಟ್ ನಿರೂಪಕ ಮತ್ತು ಸಚಿನ್ ತೆಂಡೂಲ್ಕರ್ ಅವರ ಅಭಿಮಾನಿ ಸುನಂದನ್ ಲೆಲೆ ಭಾಗಿಯಾಗಿದ್ದರು. ಅಲ್ಲದೇಸಚಿನ್ ಅವರ ಜನ್ಮದಿನವನ್ನು "ವಿಶ್ವ ಕ್ರಿಕೆಟ್" ಎಂದು ಆಚರಿಸಲು ಹೇಳಿದರು.

ಇದನ್ನೂ ಓದಿ: ಜೀವನದ 'ಹಾಫ್​ ಸೆಂಚುರಿ' ಸಂಭ್ರಮದಲ್ಲಿ 'ಕ್ರಿಕೆಟ್​ ದೇವರು': ಸಚಿನ್ ಸಾಧನೆಗೆ ಸರಿಸಾಟಿ ಯಾರು?