ಊಟಿ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್​​, ಸವಾರರಿಗೆ ಕಿರಿಕಿರಿ- ವಿಡಿಯೋ

ಚಾಮರಾಜನಗರ : ಗುಡ್ ಫ್ರೈಡೇ ಮತ್ತು ವೀಕೆಂಡ್ ರಜಾ ಮೋಜು ಅನುಭವಿಸಲು ಜನಪ್ರಿಯ ಪ್ರವಾಸಿ ತಾಣ ಊಟಿಗೆ ಸಾವಿರಾರು ಪ್ರವಾಸಿಗರು ತೆರಳುತ್ತಿದ್ದಾರೆ. ಇನ್ನೊಂದೆಡೆ, ಪ್ರಧಾನಿ ನರೇಂದ್ರ ಮೋದಿ ಭೇಟಿ ಹಿನ್ನೆಲೆಯಲ್ಲಿ ಬಂಡೀಪುರದಿಂದ ಮಧುಮಲೈ ರಸ್ತೆಯವರೆಗೂ ಬಿಗಿ ಭದ್ರತೆ ಕೈಗೊಂಡಿರುವುದರಿಂದ ಇಂದು ಕಿಮೀಗಟ್ಟಲೆ ಟ್ರಾಫಿಕ್ ಜಾಮ್​ ಉಂಟಾಗಿದ್ದು ಪ್ರವಾಸಿಗರು ಸುಸ್ತಾದರು. 

ಇದನ್ನೂ ಓದಿ : ಗುಡ್‌ ಫ್ರೈಡೇ 2023.. ಯೇಸುವಿನ ಬಲಿದಾನದ ನೆನಪಿಗಾಗಿ ಚರ್ಚ್‌ಗಳಲ್ಲಿ ವಿಶೇಷ ಪ್ರಾರ್ಥನೆ

ಟ್ರಾಫಿಕ್ ಜಂಜಾಟದಲ್ಲಿ ಸಿಲುಕಿದ ಜನರು: ಯಾವುದೇ ಭದ್ರತಾ ಲೋಪವಾಗದಿರಲು ಎಲ್ಲಾ ವಾಹನಗಳನ್ನು ತಪಾಸಣೆ ಮಾಡಿಯೇ ಪೊಲೀಸರು ಬಿಡುತ್ತಿದ್ದು, ರಜೆಯ ಖುಷಿ ಸವಿಯಲು ತೆರಳಿದವರು ಟ್ರಾಫಿಕ್‌ನಲ್ಲಿ ಸಿಲುಕಿ ಸಂಕಷ್ಟ ಅನುಭವಿಸಿದರು. 

ಬಂಡೀಪುರಕ್ಕೆ ಬಂದು ನಿರಾಸೆ: ಪ್ರಧಾನಿ ಅವರ ವಿಶೇಷ ಭದ್ರತಾ ಪಡೆ (SPG) ಗುಂಡ್ಲುಪೇಟೆಯಲ್ಲಿ ಈಗಾಗಲೇ ಸಿದ್ಧತೆಗಳ ಪರಿಶೀಲನೆ ನಡೆಸುತ್ತಿದ್ದು, ಹೆಲಿಪ್ಯಾಡ್, ಸಂಚರಿಸುವ ಮಾರ್ಗ ಎಲ್ಲವನ್ನೂ ತಮ್ಮ ವ್ಯಾಪ್ತಿಗೆ ತೆಗೆದುಕೊಂಡಿದೆ. ಸಫಾರಿ ನಿರ್ಬಂಧದ ಅರಿವಿಲ್ಲದೇ ಬಂಡೀಪುರಕ್ಕೆ ಬಂದು ಕೆಲವರು ನಿರಾಸೆಯಿಂದ ಹಿಂತಿರುಗಿದರು.

ಇದನ್ನೂ ಓದಿ :  ಶಿವಮೊಗ್ಗ:  ಪ್ರಧಾನಿ ಕಾರ್ಯಕ್ರಮಕ್ಕೆ ಜನಸಾಗರ, ಟ್ರಾಫಿಕ್ ಜಾಮ್