ಬೆಂಗಳೂರು ಮಸಾಲೆ ದೋಸೆಗೆ ಮನಸೋತ ಜೆ.ಪಿ.ನಡ್ಡಾ - ವಿಡಿಯೋ

ಬೆಂಗಳೂರು: ಮಸಾಲೆ ದೋಸೆಗೆ ಸಿಲಿಕಾನ್ ಸಿಟಿ ತುಂಬಾ ಫೇಮಸ್. ಬೆಂಗಳೂರಿಗೆ ಬರುವ ಗಣ್ಯರು ಎಂಟಿಆರ್, ವಿದ್ಯಾರ್ಥಿ ಭವನ್​, ಜನಾರ್ದನ ಹೋಟೆಲ್​ನ ದೋಸೆ ರುಚಿಗೆ ಫಿದಾ ಆಗ್ತಾರೆ. ಅದರಂತೆ ಇಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಮಸಾಲೆ ದೋಸೆಗೆ ಮನಸೋತರು. ಸಿಟಿಆರ್ ಹೋಟೆಲ್​ನ ದೋಸೆಯನ್ನು ಬಾಯಿ ಚಪ್ಪರಿಸಿ‌ ಸವಿದರು.

ಬಿಜೆಪಿ ರಥಯಾತ್ರೆಯ ಅಂಗವಾಗಿ ಬೆಂಗಳೂರಿಗೆ ಆಗಮಿಸಿರುವ ನಡ್ಡಾ, ಮಲ್ಲೇಶ್ವರದ ಹೆಸರಾಂತ ಸಿಟಿಆರ್ ಹೋಟೆಲ್​ನಲ್ಲಿ ಜನಸಾಮಾನ್ಯರ ಜತೆ ಬೆರೆತು ತಮ್ಮ ಪಕ್ಷದ ನಾಯಕರೊಂದಿಗೆ ಮಸಾಲೆ ದೋಸೆ ಸೇವಿಸಿದರು. ಈ ಸಂದರ್ಭದಲ್ಲಿ ಸ್ಥಳೀಯ ಶಾಸಕ ಮತ್ತು ಸಚಿವ ಡಾ.ಸಿ.ಎನ್.ಅಶ್ವತ್ಥ್​ ನಾರಾಯಣ್​, ಸಂಸದ ತೇಜಸ್ವಿ ಸೂರ್ಯ, ಪಕ್ಷದ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್, ರಾಜ್ಯ ಸಂಘಟನಾ ಕಾರ್ಯದರ್ಶಿ ರಾಜೇಶ್, ಮಂಡಲ ಮುಖ್ಯಸ್ಥೆ ಕಾವೇರಿ ಕೇದಾರನಾಥ್ ಮುಂತಾದವರು ನಡ್ಡಾ ಅವರೊಂದಿಗಿದ್ದರು.

ಇದನ್ನೂ ಓದಿ: ಕಾಂಗ್ರೆಸ್ ನಾಯಕರು ಜಾಮೀನಿನ ಮೇಲಿದ್ದಾರೆ: ಜೆ.ಪಿ.ನಡ್ಡಾ

ಇದಕ್ಕೂ ಮುನ್ನ, ಹೋಟೆಲ್​ಗೆ ಆಗಮಿಸಿದ ನಡ್ಡಾರನ್ನು ಸಿಟಿಆರ್ ಸಿಬ್ಬಂದಿ ಹೂಗುಚ್ಛ ನೀಡಿ ಬರಮಾಡಿಕೊಂಡರು. ಕಾರ್ಯಕರ್ತರು ಮತ್ತು ಅಭಿಮಾನಿಗಳು ಜೈಕಾರ ಕೂಗಿ ಸಂಭ್ರಮಿಸಿದರು. ನಂತರ ಹೋಟೆಲ್​ನಲ್ಲಿದ್ದ ಗ್ರಾಹಕರ ಬಳಿಗೆ ಹೋಗಿ, ಅವರನ್ನೆಲ್ಲ ಮಾತನಾಡಿಸುವ ಮೂಲಕ ಗಮನ ಸೆಳೆದರು.