ಕಾಫಿ ತೋಟದಲ್ಲಿ ಕಾಣಿಸಿಕೊಂಡ ಬೃಹತ್ ಗಾತ್ರದ ಆಕ್ರಮಣಕಾರಿ ಹೆಬ್ಬಾವು: ಸ್ನೇಕ್ ಕಿರಣ್​ರಿಂದ ರಕ್ಷಣೆ

ಶಿವಮೊಗ್ಗ: ಕಾಫಿ ತೋಟದಲ್ಲಿ ಕಾಣಿಸಿಕೊಂಡ ಬೃಹತ್ ಗಾತ್ರದ ಹೆಬ್ಬಾವನ್ನು ಸ್ನೇಕ್ ಕಿರಣ್ ರಕ್ಷಿಸಿ ಕಾಡಿಗೆ ಬಿಟ್ಟಿದ್ದಾರೆ. ಇಂದು‌ ಶಿವಮೊಗ್ಗ ತಾಲೂಕು ಭೈರನಕೊಪ್ಪ ಗ್ರಾಮದ ಚೈತನ್ಯ ಎಂಬುವರ ಕಾಫಿ ತೋಟದಲ್ಲಿ ಬೃಹತ್ ಗಾತ್ರದ ಹೆಬ್ಬಾವು ಕಾಣಿಸಿಕೊಂಡಿದೆ. ಚೈತನ್ಯ ತಕ್ಷಣ ಸ್ನೇಕ್ ಕಿರಣ್​ಗೆ ತಿಳಿಸಿದ್ದಾರೆ. ಹೆಬ್ಬಾವು ಹಿಡಿಯಲು ಬಂದ ಕಿರಣ್ ಮೇಲೆ ದಾಳಿ ಮಾಡಿದೆ. ಹಾವಿನ ಪ್ರತಿರೋಧದ ನಡುವೆಯೂ ಹಾವನ್ನು ಸೆರೆಹಿಡಿದು ಸುರಕ್ಷಿತವಾಗಿ ಹಿಡಿದು ಅರಣ್ಯಾಧಿಕಾರಿಗಳ ಸಮ್ಮುಖದಲ್ಲಿ ಅರಣ್ಯಕ್ಕೆ ಬಿಟ್ಟಿದ್ದಾರೆ. ಹಾವು ಸುಮಾರು 8 ಅಡಿ ಉದ್ದ, 9 ಕೆ.ಜಿ 300 ಗ್ರಾಂ ಇತ್ತು.