ಆರ್‌ಎಸ್‌ಎಸ್ ರ‍್ಯಾಲಿಯಲ್ಲಿ ಹಿಂದೂ ಮುನ್ನಾನಿ ಜಿಲ್ಲಾಧ್ಯಕ್ಷ ಸಾವು

ತೂತುಕುಡಿ (ತಮಿಳುನಾಡಿ) : ಟುಟಿಕೋರಿನ್ ಜಿಲ್ಲೆ ಶ್ರೀವೈಕುಂಟಂನಲ್ಲಿ ನಡೆದ ಆರ್​ಎಸ್​ಎಸ್ ರ‍್ಯಾಲಿಯಲ್ಲಿ ಮೂರ್ಛೆ ತಪ್ಪಿ ಬಿದ್ದ ನಜರೆತ್‌ನ ಹಿಂದೂ ಮುನ್ನಾನಿ ತೂತುಕುಡಿ ದಕ್ಷಿಣ ಜಿಲ್ಲಾಧ್ಯಕ್ಷ ಮೃತಪಟ್ಟಿರುವ  ಘಟನೆ ನಡೆದಿದೆ. ವೆಟ್ಟುಂಪೆರುಮಾಳ್ (ವಯಸ್ಸು 54) ಮೃತರು. ನಿನ್ನೆ(ಭಾನುವಾರ) ತಮಿಳುನಾಡಿನ 45 ಕಡೆ ಪೊಲೀಸ್​ ಬಂದೋಬಸ್ತ್​ ನಡುವೆ  ಆರ್​ಎಸ್​ಎಸ್​ ರ‍್ಯಾಲಿಯನ್ನು ಅದ್ದೂರಿಯಾಗಿ ಆಯೋಜಿಸಲಾಗಿತ್ತು.  

ಈ ರ‍್ಯಾಲಿಯಲ್ಲಿ ಹಿಂದೂ ಮುನ್ನಾನಿ, ಆರ್‌ಎಸ್‌ಎಸ್ ಮತ್ತು ಬಿಜೆಪಿ ಪಕ್ಷದಿಂದ ನೂರಾರು ಕಾರ್ಯಕರ್ತರು ಭಾಗವಹಿಸಿದ್ದರು. ರ‍್ಯಾಲಿ ವೇಳೆ ವೆಟ್ಟುಂಪೆರುಮಾಳ್ ಅವರು ಇದ್ದಕ್ಕಿದಂತೆ ಮೂರ್ಛೆ ತಪ್ಪಿ ಬಿದ್ದಿದ್ದರು. ಕೂಡಲೇ ಅವರನ್ನು ಶ್ರೀವೈಕುಂಟಂ ಸರ್ಕಾರಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿತ್ತು. ಆ ಬಳಿಕ ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗೆಂದು ತಿರುನಲ್ವೇಲಿ ಸರ್ಕಾರಿ ಆಸ್ಪತ್ರೆಗೆ ವೆಟ್ಟುಂಪೆರುಮಾಳ್ ಅವರನ್ನು ದಾಖಲಿಸಿದರೂ ಯಾವುದೇ ಪ್ರಯೋಜನವಾಗಲಿಲ್ಲ. ಚಿಕಿತ್ಸೆ ಫಲಿಸದೇ ಅವರು ಕೊನೆಯುಸಿರೆಳೆದರು.  ಇನ್ನು ಈ ಸಂಬಂಧ ಶ್ರೀವೈಕುಂಟಂ ಪೊಲೀಸ್​ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ಕೂಡ ದಾಖಲಾಗಿದೆ. ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ. 

ಇದನ್ನೂ ಓದಿ : ಪಂಜಾಬ್ ಬಿಜೆಪಿ ಮುಖಂಡನ ಮುಖಕ್ಕೆ ಗುಂಡು ಹಾರಿಸಿದ ದುಷ್ಕರ್ಮಿಗಳು